మైనారిటీ ఓట్లు కీలకం – ధుబ్రిలో త్రిభుజ పోటీ ఉత్కంఠ

అస్సాంలో రాబోయే అసెంబ్లీ ఎన్నికల నేపథ్యంలో ధుబ్రి ప్రాంతంలో రాజకీయ పోటీ మరింత రసవత్తరంగా మారుతోంది. ముఖ్యంగా మైనారిటీ ఓటర్ల ప్రభావం ఎక్కువగా ఉన్న ఈ ప్రాంతంలో సమీకరణాలు వేగంగా మారుతున్నాయి.

ఈ నేపథ్యంలో ఆల్ ఇండియా యునైటెట్ డెమోక్రటిక్ ఫ్రంట్ (ఏఐయూడీఎఫ్)కు అనుకూల పరిస్థితులు ఏర్పడుతున్నాయని విశ్లేషణలు సూచిస్తున్నాయి. అదే సమయంలో ఇండియన్ నేషనల్ కాంగ్రెస్ - రైజోల్‌దళ్ కూటమి ఆలస్యంగా కుదరడం, కొన్ని చోట్ల ‘స్నేహపూర్వక పోటీ’ కొనసాగడం వల్ల ఓట్ల విభజనకు అవకాశం ఏర్పడింది.

ఈ పరిస్థితి పరోక్షంగా ఏఐయూడీఎఫ్‌తో పాటు అధికార కూటమి అయిన నేషనల్ డెమొక్రటిక్ అలయెన్స్ (National Democratic Alliance)కు లాభం చేకూర్చే అవకాశముందని భావిస్తున్నారు.

ధుబ్రి లోక్‌సభ పరిధిలోని అసెంబ్లీ నియోజకవర్గాల్లో మైనారిటీ ఓటు కీలకంగా ఉంది. 2024 లోక్‌సభ ఎన్నికల్లో ఈ ఓటు ప్రధానంగా కాంగ్రెస్ వైపు మొగ్గుచూపినప్పటికీ, ప్రస్తుతం ఆ పార్టీపై కొంత అసంతృప్తి పెరుగుతోందని స్థానిక వర్గాలు చెబుతున్నాయి.

ఏఐయూడీఎఫ్ నేత బదృద్దీన్ అజ్‌మల్ ప్రభావం ఇంకా ఈ ప్రాంతంలో కొనసాగుతోందని నాయకులు పేర్కొంటున్నారు. ఆయనకు మద్దతుగా

అసదుద్దీన్ ఒవైసీ కూడా ఇటీవల ప్రకటన చేయడం రాజకీయంగా చర్చనీయాంశమైంది.

స్థానికంగా కాంగ్రెస్ నాయకులు కొన్ని కీలక అంశాలపై స్పందించకపోవడం, ముఖ్యంగా మైనారిటీలకు సంబంధించిన సమస్యలపై మౌనం పాటించడం ఓటర్లలో అసంతృప్తికి దారితీసినట్లు సమాచారం.

ధుబ్రి ప్రాంతంలోని ప్రధాన అసెంబ్లీ నియోజకవర్గాల్లో పోటీ ఇలా..

గౌరీపూర్: కాంగ్రెస్, రైజోర్ దళ్ ఇద్దరూ అభ్యర్థులను నిలబెట్టడంతో ఓట్ల చీలిక జరిగే అవకాశం ఉంది. దీంతో ఏఐయూడీఎఫ్ అభ్యర్థికి లాభం కలిగే సూచనలు ఉన్నాయి.

ధుబ్రి: ఏఐయూడీఎఫ్ సిట్టింగ్ ఎమ్మెల్యేకు కాంగ్రెస్, బీజేపీ నుంచి గట్టి పోటీ ఎదురవుతోంది.

గోలక్‌