పశ్చిమ బెంగాల్: బీజేపీ సెకండ్ లిస్ట్ రిలీజ్..

పశ్చిమ బెంగాల్ అసెంబ్లీ ఎన్నికల నేపథ్యంలో భారతీయ జనతా పార్టీ (బీజేపీ) తన రెండో అభ్యర్థుల జాబితాను విడుదల చేసింది. గురువారం ప్రకటించిన ఈ జాబితాలో 111 మంది అభ్యర్థులు ఉన్నారు. మొత్తం 294 స్థానాల్లో 255 స్థానాలకు బీజేపీ ఇప్పటికే అభ్యర్థులను ప్రకటించింది.

ఎన్నికల షెడ్యూల్..

ఎన్నికలు ఏప్రిల్ 23, 29 తేదీల్లో రెండు దశల్లో జరగనున్నాయి. మార్చి 16న బీజేపీ తొలి జాబితాలో 144 మంది అభ్యర్థులను ప్రకటించిన విషయం తెలిసిందే.

ప్రముఖులకు టికెట్లు..

రెండో జాబితాలో పలువురు ప్రముఖులకు అవకాశం కల్పించారు. రూపా గంగూలీను సోనార్‌పూర్ దక్షిణ నియోజకవర్గం నుంచి బరిలోకి దించారు. ఆమె 2016లో పోటీ చేసి ఓడిపోయారు. నటుడు హిరాన్ ఛటర్జీ శ్యాంపూర్ నుంచి పోటీ చేయనున్నారు. పాపియా అధికారి టోలీగంజ్ నుంచి పోటీ చేయనున్నారు.

ఉద్యమ నాయకులకు అవకాశం..

సందేశ్‌ఖాలి ఘటనలపై పోరాటం చేసిన రేఖా పాత్రను హింగల్‌గంజ్ నుంచి అభ్యర్థిగా ప్రకటించారు.

మాజీ కేంద్ర మంత్రికి,,

నిసిత్ ప్రమణిక్ను కూచ్ బెహార్ జిల్లాలోని మాతాభంగా నియోజకవర్గం నుంచి బరిలోకి దించారు.

ఇతర అభ్యర్థులు..

ఇతహార్ నుంచి సబితా బర్మన్, నబగ్రామ్ నుంచి దిలీప్ సాహా, ఖర్‌గ్రామ్ నుంచి మితాలి మల్, కండి నుంచి గార్గి దాస్ ఘోష్ పోటీ చేయనున్నారు. అనామికా ఘోష్, స్వపన్ మజుందార్, అరూప్ చౌదరి, సనత్ సర్దార్, మల్లికా పైక్ తదితరులు కూడా జాబితాలో చోటు దక్కించుకున్నారు.

భవానిపూర్ ఉపఎన్నికల నేపథ్యం..

భవానిపూర్ ఉపఎన్నికలో మమతా బెనర్జీను సవాలు చేసిన ప్రియాంక టిబెరెవాల్‌ను ఈసారి ఎంటాలీ నుంచి బీజేపీ బరిలోకి దించింది. మొత్తం మీద రెండో జాబితాలో 20 మంది మహిళలకు అవకాశం ఇచ్చింది.

పెండింగ్‌లో పానిహతి సీటు..

ఆర్‌‌జీ‌ కర్ మెడికల్ కాలేజ్ ఘటనకు సంబంధించిన బాధితురాలి తల్లిని పానిహతి నుంచి పోటీ చేయిస్తారనే వార్తలు వచ్చినప్పటికీ, ఆ స్థానానికి ఇప్పటివరకు అభ్యర్థిని ప్రకటించలేదు. మొత్తంగా, ప్రముఖులు, కొత్త ముఖాలు, ఉద్యమ నాయకులతో బీజేపీ జాబితా విడుదల కావడంతో పశ్చిమ బెంగాల్ ఎన్నికలు మరింత ఆసక్తికరంగా మారాయి.