పశ్చిమ బెంగాల్ ఎన్నికల్లో బాబ్రీ మసీదు ఎఫెక్ట్..

పశ్చిమ బెంగాల్ అసెంబ్లీ ఎన్నికల నేపథ్యంలో ముర్షిదాబాద్ బెల్ట్‌లో రాజకీయ వాతావరణం మరింత వేడెక్కింది. బాబ్రీ మసీదు అంశం మళ్లీ ఎన్నికల చర్చగా మార్చింది.

1990లో జరిగిన బబ్రీ మసీదు కూల్చివేత (Babri Masjid demolition) ప్రభావం ఇప్పటికీ రాజకీయాల్లో కనిపిస్తోంది. ఈసారి ఎన్నికల ప్రచారం కూడా అదే అంశం చుట్టూ తిరుగుతోంది. ముర్షిదాబాద్, నదియా, ఉత్తర 24 పరగణాల ప్రాంతాల్లో మత భావోద్వేగాలు మళ్లీ రగులుతున్నాయి.

ఈ పరిస్థితుల్లో హుమయూన్ కబీర్ (Humayun Kabir) కీలక పాత్ర పోషిస్తున్నారు. టీఎంసీ నుంచి బహిష్కరణకు గురైన ఆయన, మసీదు నిర్మాణాన్ని భావోద్వేగ అంశంగా మార్చారు. స్థానికంగా ప్రారంభమైన ఈ ప్రాజెక్ట్ ఇప్పుడు ప్రాంతీయ రాజకీయ ప్రతీకగా మారింది.

ఈ పరిణామాన్ని బీజేపీ వేరే కోణంలో చూస్తోంది. మత రాజకీయాల ద్వారా హిందూ ఓటర్లను ఏకం చేయడానికి ఇది అవకాశం అని భావిస్తోంది. బీజేపీ నాయకులు ఈ ప్రాజెక్ట్‌ను “బుజ్జగింపు రాజకీయాలు”గా విమర్శిస్తున్నారు.

ఇక అధికార పార్టీ టీఎంసీకి కొత్త సవాల్ ఎదురైంది. అసదుద్దీన్ ఒవైసీ (Asaduddin Owaisi) ప్రభావంతో, ముస్లిం ఓటర్లలో కొంత భాగం దూరమవుతుందేమోన్న ఆందోళన పార్టీలో ఉంది. అయితే అభివృద్ధి, సంక్షేమం ఆధారంగా ప్రజలు నిర్ణయం తీసుకుంటారని టీఎంసీ నేతలు చెబుతున్నారు.

రేజీనగర్ నియోజకవర్గం ఈ పోటీలో కీలకంగా మారింది. ఇక్కడ సుమారు 65% ముస్లిం ఓటర్లు ఉన్నారు. హుమాయూన్ కబీర్ ఈ సీటులో పోటీ చేస్తూ, బాబ్రీ అంశాన్ని ప్రధాన అజెండాగా మార్చేందుకు ప్రయత్నిస్తున్నారు. ఇది కేవలం మసీదు విషయం కాదు, ఆత్మగౌరవానికి సంబంధించినదని ఆయన పేర్కొన్నారు.

మరోవైపు భరత్‌పూర్, బెల్లంగ్ నియోజకవర్గాల్లో కూడా ఇదే ప్రభావం కనిపిస్తోంది. ముస్లిం ఓట్లు చీలిపోతే, టీఎంసీకి నష్టం కలగొచ్చు. అదే సమయంలో హిందూ ఓటర్లలో ధ్రువీకరణ జరిగితే, బీజేపీకి లాభం చేకూరే అవకాశం ఉంది.

“ముస్లిం గుర్తింపును రాజకీయంగా ఉపయోగించేందుకు ఒకవైపు ప్రయత్నం జరుగుతుంటే, మరోవైపు బీజేపీ హిందూ ఏకీకరణకు దాన్ని ఉపయోగిస్తోంది” అన్నారు రాజకీయ విశ్లేషకుడు బిష్వాంత్ చక్రబొర్తి.

మొత్తంగా అభివృద్ధి, ఉపాధి వంటి అంశాలు పక్కన్న పెట్టి, మత రాజకీయాలు ముందుకు రావడం ఈ ఎన్నికల్లో స్పష్టంగా కనిపిస్తోంది. ముర్షిదాబాద్ బెల్ట్‌లో బాబ్రీ మసీదు నీడలోనే ఓటర్ల తీర్పు వెలువడనుంది.