అమరావతి చట్టబద్ధత ఆంధ్రుల ఆత్మగౌరవ విజయమట

పార్లమెంటు ఉభయ సభల్లో అమరావతి చట్టబద్ధత బిల్లు-2026 ఏకగ్రీవంగా ఆమోదం పొందడం చారిత్రాత్మకమని ముఖ్యమంత్రి చంద్రబాబు నాయుడు అభివర్ణించారు. గురువారం రాజధాని శంకుస్థాపన జరిగిన ఉద్ధండరాయునిపాలెంలో సతీసమేతంగా పర్యటించిన ఆయన, అక్కడి రైతులు, మహిళలతో కలిసి సంబరాల్లో పాల్గొన్నారు. చరిత్ర ఉన్నంత వరకు అమరావతి ఉంటుంది.. ఇకపై దీనిని ఎవరూ ఇంచ్ కూడా కదపలేరు అని ఆయన స్పష్టం చేశారు. ఈ విజయం రాజధాని కోసం ప్రాణాలర్పించిన, త్యాగాలు చేసిన 29 వేల మంది రైతులకు అంకితమని భావోద్వేగంతో ప్రకటించారు.