అమరావతి ‘అట్రాసిటీ’ కేసు

2014లో ‘వికాసం’... 2021లో ‘అట్రాసిటీ’!

తెలుగుదేశం ప్రభుత్వం అధికారంలోకి వచ్చిన తర్వాత అమరావతి రాజధాని కోసం ల్యాండ్ పూలింగ్ పథకం ప్రారంభించింది. అసైన్డ్ భూములను కూడా రాజధాని అభివృద్ధికి ఉపయోగించుకోవచ్చని ‘జీవో నెం.41’ జారీ చేసింది. ఎస్‌సీ, ఎస్‌టీ లకు ప్రభుత్వం ఇచ్చిన భూములు కూడా పూలింగ్‌లో చేర్చి, రాజధాని అభివృద్ధి చేస్తామని ప్రకటించింది. అప్పట్లో ఇది ‘ప్రగతి’గా ప్రచారం అయింది.

కానీ 2019లో వైఎస్‌ఆర్‌సీపీ అధికారంలోకి రాగానే... అదే జీవో ‘ఎస్‌సీలను అణగదొక్కడం’గా మారిపోయింది! మంగళగిరి ఎమ్మెల్యే ఆళ్ల రామకృష్ణా రెడ్డి ఫిర్యాదుతో 2021 ఫిబ్రవరి 24న సీఐడీ వారు చంద్రబాబు నాయుడు, పి. నారాయణలపై ‘ఎస్‌సీ/ఎస్‌టీ (అట్రాసిటీ) చట్టం’ కింద కేసు నమోదు చేసింది. “అసైన్డ్ భూములు కొనుగోలు చేయడం నేరం” అని ఆరోపణ. మార్చి 19న కోర్టు కేసును నిలిపివేసింది. అయినా 2024 మార్చిలో (ఎన్నికల ముందు) సీఐడీ చార్జ్‌షీట్ దాఖలు చేసింది. రూ.4,400 కోట్ల ‘ల్యాండ్ స్కామ్’ అని పేరు పెట్టింది.

2024లో ‘అధికారం’... నిందితులే ముఖ్యమంత్రి, మంత్రి!

2024 ఎన్నికల్లో కూటమి అధికారంలోకి వచ్చింది. చంద్రబాబు ముఖ్యమంత్రి, పి నారాయణ మంత్రి. కానీ వారు ఇప్పటికీ ఆ కేసులో నిందితులే! హైకోర్టులో విచారణ జరుగుతోంది. న్యాయమూర్తి స్పష్టంగా అడిగారు “ప్రభుత్వ విధానం (జీవో)పై కేసు ఎలా? ఇలాంటి వ్యవహారం ఎప్పుడూ చూడలేదు!”

ఒకప్పుడు జీవో 41ని ‘ఎస్‌సీల రక్షణ’కు వ్యతిరేకంగా చూపిన వైఎస్‌ఆర్‌సీపీ... ఇప్పుడు అదే చట్టం తమ మీద పడకుండా ఎలా ఆపాలని చూస్తోందా? చంద్రబాబు, నారాయణలు అప్పుడు ‘నిందితులు’... ఇప్పుడు ‘పాలకులు’. ఇది రాజకీయ ‘ల్యాండ్ పూలింగ్’ కాదా? ఒకరి పాలనలో ‘విధానం’... మరొకరి పాలనలో ‘అపరాధం’! అట్రాసిటీ చట్టం ఎస్‌సీ/ఎస్‌టీలను రక్షించడానికి తయారు చేసిన ఆయుధం. ఇప్పుడు రాజకీయ ప్రతీకారానికి ‘టూల్’గా మారిందా?

ఈ ప్రశ్నలకు బదులేది?

ఏ ప్రభుత్వం ఇచ్చిన జీవోపైనైనా తర్వాత ప్రభుత్వం కేసు పెట్టవచ్చా?

ఎవరైనా ఎవరి మీదైనా ‘అట్రాసిటీ’ కేసు పెట్టి, రాజకీయంగా హింసించవచ్చా?

ప్రజా ప్రతినిధులు ఒకరిపై ఒకరు కేసులు పెట్టుకుంటే... చట్టం ఎవరికి రక్షణ?

అసైన్డ్ భూములు ‘రాజధాని కోసం’ కావాలంటే ఎస్‌సీలు బాధపడాలా? లేదంటే వాటిని ‘పూల్’ చేయకుండా ఉండాలా?

ఈ కేసు ఒకటి కాదు... ఆంధ్రప్రదేశ్ రాజకీయాల్లో నిరంతర ‘పవర్ గేమ్’. ఒకరు అధికారంలో ఉంటే ‘చట్టం తమ చేతిలో’... మరొకరు అధికారం కోల్పోతే ‘చట్టం తమ మీద’. అట్రాసిటీ చట్టం ఇలా రాజకీయ ‘డైలమాలో’ పడిపోతే... నిజమైన ఎస్‌సీ/ఎస్‌టీల రక్షణ ఎవరు చేస్తారు? హైకోర్టు న్యాయమూర్తి వ్యాఖ్యలు ఒక హెచ్చరిక. కానీ రాజకీయ నాయకులు వినేది ఎప్పుడు?

ఇది కేవలం ఒక జీవో 41 కేసు కాదు... ఆంధ్రప్రదేశ్ రాజకీయాల్లో ‘చట్టం’ ఎలా ‘పూలింగ్’ అవుతోందో చూపించే ‘సంచలన నిజం’! ప్రజలు గమనించాల్సిన సమయం ఇదే. ఎందుకంటే... ఈ రోజు నిందితులు రేపు పాలకులు కావచ్చు. రేపు పాలకులు మళ్లీ నిందితులు కావచ్చు. చట్టం మాత్రం ఎప్పుడూ ‘పూల్’ అయిపోతూనే ఉంటుంది!