అగ్రరాజ్యంతో కుదిరిన వాణిజ్య ఒప్పందం

భారత్- అమెరికా మధ్య వాణిజ్య ఒప్పందం కుదిరింది. ఈ మేరకు ఇరుదేశాల అధినేతలు సామాజిక మాధ్యమాల్లో ప్రకటించారు. ప్రస్తుతం భారత్ పై విధిస్తున్న 25 శాతం సుంకాలు, మరో 25 శాతం జరిమానా తొలగిస్తున్నట్లు ట్రంప్ ప్రకటించారు. రష్యా నుంచి చమురు దిగుమతులను నిలిపివేస్తున్నట్లు భారత్ హమీ ఇచ్చినట్లు ట్రంప్ వెల్లడించారు.

ఇక నుంచి భారతీయ వస్తువులపై కేవలం 18 శాతం సుంకాలు మాత్రమే అమలవుతాయని వైట్ హౌజ్ ప్రకటించింది. అమెరికా అధ్యక్షుడు డొనాల్డ్ ట్రంప్, భారత ప్రధాని నరేంద్ర మోదీతో ఫోన్ సుదీర్ఘంగా సంభాషణలు జరిపినట్లు తెలిసింది.