ట్రంప్ కు చుక్కలు చూపిస్తున్న చమురు!

“చమురు సంక్షోభం రాదు” అని ధీమాగా చెప్పిన అధ్యక్షుడు ట్రంప్ ఇప్పుడు ఆ దేశ ఇంధనశాఖ మంత్రి క్రిస్ వైట్ చెప్పిన నిజాలు విని నిశ్చేష్టుడైనట్టు తెలుస్తోంది. హర్మోజ్ జలసంధిని పూర్తిగా మూసేసి, అమెరికా నౌకలపై ఇరాన్ భారీ దాడులకు దిగడంతో ప్రపంచ చమురు మార్కెట్ ఉలిక్కిపడింది. హర్మోజ్ జలసంధిని స్వాధీనం చేసుకున్నామని, మరి కొద్ది రోజుల్లో అన్ని దేశాలకు ఆయిల్ పంపిస్తామని ట్రంప్ చెప్పిన కొన్ని గంటల్లోనే అమెరికా ఆయిల్ షిప్ ను ఇరాన్ ఆత్మాహుతి నౌక భస్మీపటలం చేసింది.

38 మంది సిబ్బందిని కాపాడారు గాని ఓ భారతీయుడు మృతి చెందాడు. ఇరాన్ ఈ దాడి తమ పనేనని అధికారికంగా ప్రకటించింది. ఇది హర్మోజ్ జలసంధిలో ఇరాన్ వ్యూహం ఎంత తీవ్రంగా ఉందో చూపిస్తోంది.