మహ్మద్ యూనస్
“బంగ్లాదేశ్ ఇకపై బానిసగా ఉండే దేశం కాదు”
వీడ్కోలు ప్రసంగంలో మహమ్మద్ యూనస్
బంగ్లాదేశ్ తాత్కాలిక ప్రభుత్వ సలహదారు యూనస్ తన పదవికి వీడ్కోలు పలికారు. ఈ సందర్బంగా ఆయన, మాట్లాడుతూ, తన 18 నెలల పాలన బంగ్లాదేశ్ విదేశీ వ్యవహారాల మూడు ప్రధాన స్తంభాలను సార్వభౌమత్వం, జాతీయ ప్రయోజనాలు, గౌరవం పునరుద్ధరించిందని చెప్పారు.
“ఈరోజు బంగ్లాదేశ్ ఆత్మవిశ్వాసంతో, చురుకుగా, స్వతంత్ర ప్రయోజనాలను కాపాడడంలో బాధ్యతాయుతంగా ఉంది. బంగ్లాదేశ్ ఇకపై ఎవరికి ఉపయోగపడే విదేశాంగ విధానం కలిగిన దేశం కాదు. ఇతర దేశాల సూచనలు లేదా సలహాలపై ఆధారపడదు” అని టెలివిజన్ ప్రసంగంలో తెలిపారు.
“పార్టీ, మతం, కులం, లింగ భేదం లేకుండా అందరూ న్యాయమైన, మానవతా విలువలతో కూడిన, ప్రజాస్వామ్య బంగ్లాదేశ్ నిర్మాణానికి పోరాటం కొనసాగించాలి. ఈ పిలుపుతో నేను గొప్ప ఆశతో వీడ్కోలు చెబుతున్నాను” అని యూనస్ అన్నారు
‘తెరచిన సముద్రం ఒక గొప్ప వ్యూహాత్మక ఆస్తి’
తాత్కాలిక పాలనలో ప్రధాన సలహాదారుగా, వాస్తవానికి ప్రధానమంత్రిగా దేశాన్ని నడిపిన యూనస్, బంగ్లాదేశ్కు ఉన్న తెరచిన సముద్రం ఒక గొప్ప “వ్యూహాత్మక ఆస్తి” అని అన్నారు.
ఇది దక్షిణ ఆసియా ప్రాంతానికి భారీ ఆర్థిక అవకాశాలను సృష్టిస్తుందని చెప్పారు. నేపాల్, భూటాన్, “ఈశాన్య భారతదేశం”తో విస్తృత ప్రాంతీయ సహకారం వృద్ధికి పెద్ద అవకాశం ఉందని ఆయన నొక్కిచెప్పారు.
“మన తెరచిన సముద్రం కేవలం భౌగోళిక సరిహద్దు మాత్రమే కాదు; ఇది ప్రపంచ ఆర్థిక వ్యవస్థకు ద్వారం. కనెక్టివిటీ దేశ అభివృద్ధి తదుపరి దశకు కేంద్రమైనది.”
అంతర్జాతీయ పోర్ట్ నిర్వహణ కంపెనీలతో ఒప్పందాలు కుదుర్చుకుని, మన పోర్టుల సామర్థ్యాన్ని అంతర్జాతీయ ప్రమాణాలకు తీసుకెళ్లామని అన్నారు. “సామర్థ్యాన్ని పెంచలేకపోతే, ఆర్థిక విజయాలలో వెనుకబడిపోతాం” అని చెప్పారు.
‘130 కొత్త చట్టాలు రూపొందించాం’
యూనస్ తన పాలనలో ప్రజాస్వామ్య హక్కులు, విలువలు నిర్ధారించడానికి కృషి చేశామని, సుమారు 130 కొత్త చట్టాలు రూపొందించామని, ఇతర చట్టాలను సవరించామని, 600 కార్యనిర్వాహక ఆదేశాలు జారీ చేశామని, వాటిలో సుమారు 84 శాతం అమలయ్యాయని చెప్పారు.
ఈ కంపెనీలకు వ్యతిరేకంగా కార్మికులు భారీ నిరసనలు చేపట్టారని, విమర్శకులు ఇవి బంగ్లాదేశ్ ప్రయోజనాలకు వ్యతిరేకమని అన్నారు . రోజు ముందుగా యూనస్ ఉన్నత స్థాయి అధికారులతో సమావేశమై, తన కార్యాలయంలో పనిచేసిన వారందరితో ఫోటో సెషన్లో పాల్గొన్నారు.
బంగ్లాదేశ్ సైన్యాధిపతి జనరల్ వాకర్-ఉజ్-జమాన్ కూడా ఆయనను వీడ్కోలు పలికారు. సాధారణ ఎన్నికల సమయంలో సాయుధ దళాల సహకారానికి యూనస్ కృతజ్ఞతలు తెలిపారు. ఫిబ్రవరి 15న తన సలహా మండలి లేదా కేబినెట్తో చివరి సమావేశం నిర్వహించారు.
భారత్తో సంబంధాలు అడుగంటాయి
యూనస్ పదవీకాలంలో ఢాకా–న్యూ ఢిల్లీ సంబంధాలు గణనీయంగా దిగజారాయని నివేదికలు చెబుతున్నాయి. బంగ్లాదేశ్లో ముఖ్యంగా హిందువులపై జరిగిన దాడులపై భారత్ ఆందోళనలు వ్యక్తం చేస్తోంది. మైనారిటీ సముదాయం వరుస దాడులను ఎదుర్కొంది.
Next Story