పిడుగురాళ్ల మెడికల్ కాలేజీ పీపీపీ కి ఎందుకు ఇవ్వలేదు!
కేంద్ర స్పాన్సర్షిప్ ఎందుకు చేసింది. వైద్యం సరిగా అందుబాటు లేని పిడుగురాళ్ల ప్రాంతాన్ని ఎంపిక చేయడం రాష్ట్ర ప్రభుత్వ ముందు చూపుకు నిదర్శనం.
ఆంధ్రప్రదేశ్లోని పల్నాడు జిల్లా పిడుగురాళ్లలో నిర్మిస్తున్న ప్రభుత్వ వైద్య కళాశాలకు కేంద్ర ప్రభుత్వం ఆర్థిక సహాయం అందించడం వెనుక దేశవ్యాప్త వైద్య విద్య విస్తరణ లక్ష్యాలు ఉన్నాయి. కేంద్ర స్పాన్సర్డ్ స్కీమ్ (సీఎస్ఎస్) కింద ఈ కళాశాలను రాష్ట్ర ప్రభుత్వమే నిర్మించి, నిర్వహిస్తుంది. ఇందుకు కేంద్రం రూ.195 కోట్లు మంజూరు చేసి విడుదల చేసింది. ఇది భారతదేశంలో వైద్య విద్యా సదుపాయాలను పెంచడం, ముఖ్యంగా అండర్సర్వ్డ్ ప్రాంతాలు, ఆస్పిరేషనల్ డిస్ట్రిక్ట్లలో డాక్టర్ల సంఖ్యను బలోపేతం చేయడం లక్ష్యంగా పనిచేస్తుంది. ఆంధ్ర ప్రదేశ్ ప్రభుత్వం ఆధ్వర్యంలో నిర్మిస్తున్న మెడికల్ కాలేజీలన్నీ ఇప్పటికే పీపీపీ పద్ధతిలో కి ప్రభుత్వం ఇచ్చింది. అయితే ఈ స్కీమ్ వెనుక ఉన్న కారణాలు, ప్రయోజనాలు, సవాళ్ల గురించి తెలుసుకోవాల్సిన అవసరం ఉంది.
సీఎస్ఎస్ స్కీమ్ ఉద్దేశాలు
కేంద్ర ఆరోగ్య, కుటుంబ సంక్షేమ మంత్రిత్వ శాఖ ఆధ్వర్యంలో నడుస్తున్న 'ఎగ్జిస్టింగ్ డిస్ట్రిక్ట్/రెఫరల్ హాస్పిటల్స్తో అనుసంధానమైన కొత్త మెడికల్ కాలేజీల స్థాపన' అనే సెంట్రల్లీ స్పాన్సర్డ్ స్కీమ్ (సీఎస్ఎస్) కింద పిడుగురాళ్ల మెడికల్ కాలేజీ ఆమోదం పొందింది. ఈ స్కీమ్ మూడు దశల్లో అమలవుతోంది. మొత్తం 157 మెడికల్ కాలేజీలను స్థాపించడం లక్ష్యం. ఫేజ్-IIIలో ఆంధ్రప్రదేశ్ నుంచి పిడుగురాళ్ల, పాడేరు, మచిలీపట్నం కాలేజీలు అప్రూవ్ అయ్యాయి.
కేంద్రం ఈ స్కీమ్ను ప్రవేశపెట్టడానికి ప్రధాన కారణాలు
అండర్సర్వ్డ్ ప్రాంతాల్లో వైద్య సదుపాయాలు: భారతదేశంలో వైద్యులు, వైద్య సదుపాయాల కొరతను పూరించడం. ముఖ్యంగా గ్రామీణ, ఆస్పిరేషనల్ డిస్ట్రిక్ట్లలో ప్రభుత్వ లేదా ప్రైవేట్ మెడికల్ కాలేజీలు లేని చోట్ల ప్రాధాన్యత ఇవ్వడం. పిడుగురాళ్ల వంటి ప్రాంతాలు ఇందుకు సరిపోతాయి. ఎందుకంటే ఇక్కడ ఇప్పటి వరకు ఎలాంటి మెడికల్ కాలేజీ లేదు.
వైద్య సీట్లు పెంచడం: దేశంలో ఎంబీబీఎస్ సీట్ల సంఖ్యను పెంచి, డాక్టర్-పేషెంట్ రేషియోను మెరుగుపరచడం. ప్రస్తుతం 108 కాలేజీలు ఫంక్షనల్గా ఉన్నాయి. మిగిలినవి నిర్మాణ దశలో ఉన్నాయి.
ఆర్థిక భాగస్వామ్యం: కేంద్రం, రాష్ట్రాల మధ్య ఫండ్ షేరింగ్ మోడల్. సాధారణ రాష్ట్రాలకు 60:40 నిష్పత్తి, నార్త్ ఈస్ట్, స్పెషల్ కేటగరీ స్టేట్స్కు 90:10. ఆంధ్రప్రదేశ్కు 60 శాతం (రూ.195 కోట్లు) కేంద్రం ఇస్తుంది. మిగిలినది రాష్ట్రం భరిస్తుంది. ఇది రాష్ట్రాలపై ఆర్థిక భారాన్ని తగ్గిస్తుంది.
కేంద్రం నేరుగా నిర్వహణ చేయకపోయినా, స్పాన్సర్ చేయడం ద్వారా జాతీయ స్థాయి వైద్య విద్యా ప్రమాణాలను నిర్ధారించడం, నేషనల్ మెడికల్ కమిషన్ (ఎన్ఎంసీ) నిబంధనలు అమలు చేయడం లక్ష్యం. పిడుగురాళ్ల కాలేజీకి 100 ఎంబీబీఎస్ సీట్లు, 420 పడకల టీచింగ్ హాస్పిటల్, 237 వైద్యులు, 600 సిబ్బంది నియామకాలకు ముఖ్యమంత్రి చంద్రబాబు నాయుడు ఆమోదం తెలిపారు.
ప్రయోజనాలు
ఈ స్కీమ్ ద్వారా కేంద్రం రాష్ట్రాలకు సహాయం అందించడం వల్ల ఆంధ్రప్రదేశ్ వంటి రాష్ట్రాల్లో వైద్య విద్యా అవకాశాలు పెరుగుతాయి. పిడుగురాళ్ల వంటి గ్రామీణ ప్రాంతాల్లో స్థానికులకు వైద్య సేవలు మెరుగవుతాయి. ఉపాధి అవకాశాలు పెరుగుతాయి. దేశవ్యాప్తంగా వైద్యుల సంఖ్య పెంచడం ద్వారా హెల్త్కేర్ సిస్టమ్ బలోపేతమవుతుంది. అయితే గత ప్రభుత్వాల్లో ఆలస్యాలు, నిర్మాణ సమస్యలు ఉన్నాయి. ఉదాహరణకు ఆంధ్రప్రదేశ్ నుంచి 7 ప్రపోజల్స్ వచ్చినా మూడు మాత్రమే అప్రూవ్ అయ్యాయి. ఇప్పుడు రాష్ట్రం పబ్లిక్-ప్రైవేట్ పార్ట్నర్షిప్ (పీపీపీ) మోడల్కు మారుతుండటంతో సవాళ్లు పెరుగుతాయా అనే అనుమానాలు ఉన్నాయి.
మొత్తంగా కేంద్రం స్పాన్సర్షిప్ వెనుక జాతీయ హెల్త్కేర్ విస్తరణ ఉద్దేశం ఉంది. ఇది రాష్ట్రాలకు ఆర్థిక బూస్ట్ ఇస్తుంది, కానీ అమలు సమర్థత రాష్ట్రాలపై ఆధారపడి ఉంటుంది. పిడుగురాళ్ల కాలేజీ 2026-27 నుంచి ప్రారంభం అవుతుంది. ఇది ఆంధ్రప్రదేశ్ వైద్య విద్యకు మైలురాయి కావచ్చు.
