ప్రభాస్ ఇచ్చిన ట్విస్ట్‌తో బాలీవుడ్ లో టెన్షన్!

భారతీయ సినీ చరిత్రలోనే బిగ్గెస్ట్ క్లాష్‌కు 2027 ఈద్ వేదిక కాబోతోందా? ఒకవైపు పాన్ ఇండియా స్టార్ ప్రభాస్ - వైల్డ్ డైరెక్టర్ సందీప్ రెడ్డి వంగా కాంబినేషన్.. మరోవైపు బాలీవుడ్ సుల్తాన్ సల్మాన్ ఖాన్! ఈ ఇద్దరు దిగ్గజాలు తలపడితే బాక్సాఫీస్ వద్ద రచ్చ జరగటం ఖాయమని ట్రేడ్ వర్గాలు చర్చించుకుంటున్నాయి.

క్లాష్ ఎందుకు? అసలేం జరుగుతోంది?

ప్రభాస్ కెరీర్‌లోనే అత్యంత పవర్ ఫుల్ పోలీస్ ఆఫీసర్ రోల్‌లో కనిపిస్తున్న చిత్రం 'స్పిరిట్' (Spirit). ఈ సినిమాను 2027 మార్చి 5న విడుదల చేస్తున్నట్లు మేకర్స్ అధికారికంగా ప్రకటించారు. సరిగ్గా అదే సమయానికి రంజాన్ (ఈద్) పండుగ ఉండటంతో, సెలవుల అడ్వాంటేజ్‌ను పూర్తిగా వాడుకోవాలని సందీప్ వంగా మాస్టర్ ప్లాన్ వేశారు.

అయితే, ఇక్కడే ట్విస్ట్ మొదలైంది!

దశాబ్దాలుగా ఈద్ సీజన్‌ను తన సొంత అడ్డాగా మార్చుకున్న సల్మాన్ ఖాన్, ఆ సమయంలోనే క్రేజీ డైరెక్టర్ల ద్వయం రాజ్ & డీకే (Raj & DK) తో చేస్తున్న సినిమాను రిలీజ్ చేయాలని ప్లాన్ చేస్తున్నారట.

సల్మాన్ ఖాన్ ముందున్న అగ్ని పరీక్ష!

వరుస ప్లాపుల దెబ్బ: గత కొన్ని ఏళ్లుగా సల్మాన్ సరైన హిట్ లేక సతమతమవుతున్నారు. ఈ క్రమంలో రాజ్ & డీకే యాక్షన్ కామెడీతో మళ్ళీ ఫామ్‌లోకి రావాలని చూస్తున్నారు.

ప్రభాస్ + వంగా మేనియా: 'యానిమల్'తో బాలీవుడ్‌ను వణికించిన సందీప్ వంగా, ఇప్పుడు ప్రభాస్‌తో వస్తున్నారు. హిందీ మార్కెట్‌లో ప్రభాస్ మేనియా గురించి ప్రత్యేకంగా చెప్పక్కర్లేదు. 'స్పిరిట్' ఫస్ట్ లుక్ ఆల్రెడీ ఇంటర్నెట్‌ను షేక్ చేస్తోంది.

సల్మాన్ నిర్ణయం.. సాహసమా? పొరపాటా?

దశాబ్దాలుగా ‘ఈద్’ అంటే సల్మాన్ ఖాన్ అడ్డా. కానీ ఇప్పుడు సీన్ మారింది. ప్రభాస్ మార్కెట్ ఇప్పుడు ఎక్కడో ఓ స్దాయిలో ఉంది. ముఖ్యంగా సందీప్ రెడ్డి వంగా హిందీలో సృష్టించిన ‘యానిమల్’ విధ్వంసం తర్వాత, నార్త్ ఆడియన్స్ ‘స్పిరిట్’ కోసం పిచ్చెక్కిపోయి ఎదురుచూస్తున్నారు. ఈ క్రమంలో సల్మాన్ ఖాన్ తన సినిమాను అదే రోజున రిలీజ్ చేయడం అంటే "నిప్పుతో చెలగాటమే" అని విశ్లేషకులు భావిస్తున్నారు.

బాక్సాఫీస్ ఎదుర్కోబోయే విచిత్రమైన సిట్యువేషన్ ఇదే!

కలెక్షన్ల కోత: ఇద్దరు పెద్ద హీరోలు తలపడితే కచ్చితంగా కలెక్షన్లలో 30-40% కోత పడుతుంది. ఇది నిర్మాతలకు భారీ నష్టం.

స్క్రీన్ల కొట్లాట: డిస్ట్రిబ్యూటర్లకు ఇది పెద్ద తలనొప్పి. ఎవరికి ఎక్కువ షోలు ఇవ్వాలో తెలియక థియేటర్ల దగ్గర గొడవలు జరిగే అవకాశం ఉంది.

బాలీవుడ్ పరువు ప్రశ్న: ఒకవేళ హిందీ బెల్ట్‌లో ప్రభాస్ సినిమాకు సల్మాన్ సినిమా కంటే ఎక్కువ కలెక్షన్లు వస్తే.. అది బాలీవుడ్ ఖాన్‌ల శకం ముగిసిందని చెప్పడానికి సంకేతం అవుతుంది.

తప్పుకుంటారా? తలపడతారా?:

ఇప్పుడున్న పరిస్థితుల్లో 'స్పిరిట్' లాంటి భారీ ప్రాజెక్టును ఎదుర్కోవడం సల్మాన్‌కు పెద్ద రిస్కే. అందుకే ఆయన తన రిలీజ్ డేట్‌ను మారుస్తారా లేక సత్తా చాటుతారా అనేది ఇప్పుడు హాట్ టాపిక్‌గా మారింది.

ప్రభాస్ ‘స్పిరిట్’ ఇప్పటికే డేట్ లాక్ చేసుకుంది. సల్మాన్ ఇంకా డిస్కషన్ స్టేజ్‌లోనే ఉన్నారు. ట్రేడ్ పండితులు చెప్పేదేంటంటే.. "ప్రభాస్ - వంగా మేనియాను తట్టుకోవడం ఇప్పుడు ఎవరి తరమూ కాదు". కాబట్టి సల్మాన్ తన డేట్‌ను ఒక వారం అటు ఇటు మార్చుకోవడమే సేఫ్ అని బాలీవుడ్ వర్గాల్లో వినిపిస్తోంది.