ప్రణయ్ రాయ్..ఒక విషాద విజయం

ప్రణయ్ రాయ్ జర్నలిజాన్ని కూల్చింది కేవలం ఒక వ్యాపార ప్రత్యర్థో లేదా ఒక రాజకీయ నాయకుడో కాదు. సాక్షాత్తు కేంద్ర ప్రభుత్వ నియంత్రణలో ఉండే అత్యంత శక్తివంతమైన, ప్రభావవంతమైన వ్యవస్థలు. ఒక స్వతంత్ర గొంతుకను నొక్కేయడానికి నేరుగా యుద్ధం చేయనక్కర్లేదు. ఆ వ్యక్తిపై వ్యవస్థలను ఉసిగొల్పితే సరిపోతుందని ఈ ఉదంతం నిరూపించింది. ప్రణయ్ రాయ్ అనే మేధావిని దెబ్బతీయడానికి అటు సీబీఐ (CBI), ఇటు ఐటీ (IT), అదనంగా సెబీ (SEBI) వంటి దర్యాప్తు సంస్థలను అస్త్రాలుగా వాడుకున్నారు. ఇది ఒక వ్యక్తిపై జరిగిన దాడి కాదు. ఒక వ్యవస్థీకృత జ్యూడిషీయల్, ఫైనాన్షియల్ వార్.

కేసుల ఉచ్చులో జర్నలిజం సామ్రాజ్యం

2014 తర్వాత దేశంలో కొత్త రాజకీయ ముఖచిత్రం ఆవిష్కృతమైంది. ఆ సమయంలో ప్రభుత్వ లోపాలను ఎత్తిచూపుతున్న NDTVని లొంగదీసుకోవడానికి అక్రమ కేసులనే వ్యూహంగా ఎంచుకున్నారు. ప్రణయ్ రాయ్‌పై రూ. 48 కోట్ల లోన్ మోసం చేశారనే ఆరోపణలతో ఆ కేసును స్వయంగా సీబీఐ ద్వారా, పన్ను ఎగవేత ఆరోపణలను ఐటీ శాఖ ద్వారా బనాయించారు. ఈ కేసులు ఎందుకు పెట్టారంటే.. ఆయనను జర్నలిజం చేయనివ్వకుండా, కోర్టుల చుట్టూ, లీగల్ నోటీసుల చుట్టూ తిరిగేలా చేయడమే అసలు లక్ష్యం. అప్పుడప్పుడు చేసే దాడులు (Raids) కేవలం భయపెట్టడానికే కాదు, ఒక బ్రాండ్ విలువను పాతాళానికి తొక్కేయడానికి కూడా.

న్యాయం గెలిచింది కానీ.. వ్యక్తి ఓడిపోయాడు

నువ్వు ఏనుగువు కాదు అని నిరూపించుకోవడానికి 20 ఏళ్లు పడుతుంది అనే నానుడి ప్రణయ్ రాయ్ విషయంలో అక్షరాలా నిజమైంది. దాదాపు దశాబ్ద కాలం పాటు వ్యవస్థలతో పోరాడి, తన 80 ఏళ్ల వయస్సులో జనవరి 20, 2026న కోర్టుల నుండి క్లీన్ చిట్ సాధించారు. ఢిల్లీ హైకోర్టు ఐటీ శాఖపై లక్ష రూపాయల జరిమానా వేయడం ద్వారా ఆయన నిర్దోషి అని చాటిచెప్పింది. కానీ, ఈ న్యాయం గెలిచేసరికే జరగాల్సిన నష్టం జరిగిపోయింది. ఆయన జర్నలిజం సామ్రాజ్యం వేరొకరి వశమైపోయింది. ప్రణయ్ రాయ్ తన స్వంత స్టూడియో నుండి తప్పుకోవాల్సి వచ్చింది. న్యాయపోరాటంలో ఆయన గెలిచినా, వృత్తిపరంగా ఆయనను నిశ్శబ్దం చేయాలన్న వ్యూహం మాత్రం సఫలమైంది.

వాచ్ డాగ్ vs లాప్ డాగ్ ..ప్రశ్నించే గొంతుకపై అధికార కబ్జా

ప్రభుత్వాన్ని ప్రశ్నించే వాచ్ డాగ్ (Watch Dog) పాత్ర పోషించే మీడియా ఉంటే ఏ పాలకులకైనా అది కంట్లో నలుసులాగే ఉంటుంది. ప్రణయ్ రాయ్, NDTV విషయంలో ఇదే జరిగింది. ముఖ్యంగా 2002 గుజరాత్ అల్లర్ల సమయంలో వారు సంధించిన కఠినమైన ప్రశ్నలు, క్షేత్రస్థాయి వాస్తవాలు అప్పట్లో పాలకులకు తీవ్ర అసహనాన్ని కలిగించాయి. ఆనాటి ప్రశ్నలే కాలక్రమేణా పెద్ద శత్రువులయ్యాయి. ఒక స్వతంత్ర మీడియా సంస్థను అదుపు చేయలేనప్పుడు, దాన్ని నాశనం చేయడమే మార్గమని భావించిన శక్తులు నిశ్శబ్ద యుద్ధాన్ని ప్రకటించాయి.

గోదీ మీడియా ఆవిర్భావం.. లొంగిన వారికే లాభం

మీడియాను తన గుప్పిట్లోకి తెచ్చుకునే క్రమంలో లాప్ డాగ్’(Lap Dog - ఒడిలో కూర్చునే కుక్క) సంస్కృతి తెరపైకి వచ్చింది. రాజీవ్ చంద్రశేఖర్ వంటి రాజకీయ నేపథ్యం ఉన్న వ్యక్తుల పెట్టుబడులతో రిపబ్లిక్ టీవీ వంటి ఛానల్స్ పుట్టుకొచ్చాయి. ఇవి వార్తలను అందించడం కంటే, ఒక రాజకీయ పార్టీకి పూర్తిస్థాయి మద్దతు ఇవ్వడమే పరమావధిగా పెట్టుకున్నాయి. ఇలాంటి గోదీ మీడియా ప్రవాహంలో, తలవంచని NDTV , ప్రణయ్ రాయ్ ఒంటరి అయ్యారు. చివరకు ప్రశ్నించే గొంతును దెబ్బతీయడం పాలకులకు ఎంత అత్యవసరంగా మారిందంటే.. అది ఒక జర్నలిజం సామ్రాజ్యం బలవంతపు స్వాధీనం (Hostile Takeover) వరకు దారితీసింది.

ఎలా కూల్చారు.. టేకోవర్ వెనుక అసలు కథ