ఇమ్రాన్‌ను విడుదల చేయండి.. పాకిస్థాన్ కోర్ట్‌లో పిటిషన్ దాఖలు

భారత్, పాకిస్థాన్ మధ్య యుద్ధవాతావరణం నేలకొన్న నేపథ్యంలో పాకిస్థాన్ కోర్టులో ఓ పిటిషన్ దాఖలైంది. దేశ మాజీ ప్రధాని ఇమ్రాన్ ఖాన్‌ను విడుదల చేయాలని కోరుతూ ఖాన్ పాకిస్తాన్ తెహ్రీక్-ఇ-ఇన్సాఫ్ పార్టీ ఖైబర్ పఖ్తుంఖ్వా (కెపి) ముఖ్యమంత్రి అలీ అమీన్ గందాపూర్ ఈ పిటిషన్‌ను దాఖలు చేశారు. డ్రోన్ దాడులు జరిగే ప్రమాదం ఉన్న కారణంగా పార్టీ వ్యవస్థాపకుడిని విడుదల చేయాలని కోరుతూ ఇస్లామాబాద్ కోర్టు ఆశ్రయించారు.

“ఇమ్రాన్ ఖాన్ విడుదల కోసం ఇస్లామాబాద్ హైకోర్టును ఆశ్రయించారు. ముఖ్యమంత్రి కెపి అలీ అమీన్ ఒక దరఖాస్తు దాఖలు చేశారు” అని అది పేర్కొంది. “భారతదేశంతో ప్రస్తుత యుద్ధ పరిస్థితిని దృష్టిలో ఉంచుకుని, జాతీయ సామరస్యం మరియు సంఘీభావం కోసం మరియు అడియాలా జైలులో డ్రోన్ దాడి భయం కారణంగా, ఆయనను వెంటనే పెరోల్/ప్రొబేషన్‌పై విడుదల చేయాలని అభ్యర్థించబడింది” అని తెలిపారు.