GULF NRI Grievance | నా కుమారుడిని గల్ఫ్ జైలు నుంచి విడుదల చేయించండి

- శ్రీధర్ పేరుపై ఉన్న పాత మొబైల్ ఫోన్ సిమ్ కార్డును ఎవరో దుర్వినియోగం చేసి 12,850 దిర్హంలు (రూ.3 లక్షలు) బిల్లు చేయడం వల్ల ఇబ్బంది తలెత్తిందని అతని తల్లి ప్రమీల వాపోయారు. అమాయకుడైన తన కుమారుడిని షార్జా జైలు నుంచి విడిపించి ఇండియాకు తీసుకురావాలని ప్రమీల సీఎం రేవంత్ రెడ్డికి విజ్ఞప్తి చేశారు. తన కుమారుడిని జైలు నుంచి విడిపించేందుకు ఉచిత న్యాయ సహాయం కోసం అడ్వొకేట్ ను నియమించాలని ప్రమీల కోరారు.

ప్రభుత్వం ద్వారా అడ్వొకేట్ ను నియమించి శ్రీధర్ కు న్యాయ సహాయం (లీగల్ ఎయిడ్) కల్పించాలని అతని తల్లి ప్రమీల సీఎం ఏ. రేవంత్ రెడ్డికి విజ్ఞప్తి చేశారు. ఈ మేరకు ఆమె శుక్రవారం హైదరాబాద్ బేగంపేట మహాత్మా జ్యోతిబా ఫూలే ప్రజాభవన్ లో 'ప్రవాసీ ప్రజావాణి' లో దరఖాస్తు చేశారు. ఆమె వెంట కాంగ్రెస్ ఎన్నారై సెల్ కన్వీనర్ మంద భీంరెడ్డి, గల్ఫ్ జెఏసి నాయకులు చెన్నమనేని శ్రీనివాస రావు ఉన్నారు.