కబ్జాదారులపై ఇక క్రిమినల్ కేసులు, రంగంలో దిగిన హైడ్రా పోలీసులు

హైదరాబాద్ డిజాస్టర్ రెస్పాన్స్ అండ్ అసెట్ ప్రొటెక్షన్ ఏజెన్సీ(హైడ్రా)కు కొత్తగా రెవెన్యూశాఖ అధికారాలను తెలంగాణ ప్రభుత్వం కల్పించాలని నిర్ణయించింది. చెరువులు, కుంటలు, నాలాల ఆక్రమణలను కూల్చివేసేందుకు వీలుగా హైడ్రాకు సర్వాధికారాలు ఇచ్చేందుకు వీలుగా రూపొందించిన ప్రతిపాదనలకు తెలంగాణ న్యాయశాఖ ఆమోదించింది. రెవెన్యూ ఆక్రమణల నిరోధక చట్టం అధకారాలను హైడ్రాకు కల్పించనున్నారు. రెవెన్యూ శాఖతోపాటు హెచ్ఎండీఏ, జీహెచ్ఎంసీ, నీటిపారుదల శాఖ, పంచాయతీరాజ్, రోడ్లు భవనాల శాఖల అధికారాలను హైడ్రాకు ఇవ్వాలని నిర్ణయించారు.