Manchu Family | మంచు ఫ్యామిలీలో కలహాలు, తండ్రీ కొడుకుల మధ్య సవాల్

- ఆస్తులు, స్కూలు విషయంలో తండ్రీ కొడుకుల మధ్య వివాదంతో ఒకరిపై మరొకరు దాడి చేసుకున్నారని సమాచారం. దీనిపై తండ్రీ కొడుకులు ఒకరిపై మరొకరు పహాడిషరీఫ్ పోలీసు స్టేషనులో ఫిర్యాదు చేసుకున్నారు. మంచు మనోజ్ కు ఈ దాడిలో గాయాలు కూడా అయ్యాయట. తనపైనే కాకుండా తన భార్యపైన కూడా తండ్రి మోహన్ బాబు దాడి చేశాడని మంచు మనోజ్ పోలీసులకు ఫిర్యాదు చేశారు.

మోహన్ బాబు కుటుంబంలో వివాదం నెలకొంది. ఆస్తుల వివాదంలో తనను మోహన్ బాబు తనను కొట్టాడని, తన భార్యపై కూడా దాడి చేశాడని తండ్రిపై పీఎస్ లో మనోజ్ ఫిర్యాదు చేశారు. ప్రస్తుతం ఈ వార్త సినిమా ఇండస్ట్రీలో సంచలనంగా మారింది.

- మంచు మనోజ్ పై మోహన్ బాబు అనుచరుడు వినయ్ దాడి చేసినట్లు మరో కథనం వెలుగులోకి వచ్చింది. స్కూలు ఆస్తుల విషయంలో వివాదం ఏర్పడింది. విద్యానికేతన్ సంస్థలో వినయ్ కీలక పదవిలో ఉన్నారు. వినయ్ కొంతమందితో కలిసి మనోజ్ పై దాడి చేశాడని అంటున్నారు.

- గతంలో మంచు మనోజ్ రెండో పెళ్లి విషయంలోనూ అతని సోదరుడు మంచు విష్ణు తీరు వివాదాస్పదమైంది.

- తమ కుటుంబంలో ఎలాంటి వివాదాలు లేవని, అసత్యప్రచారాలని మంచు మోహన్ బాబు ఫ్యామిలీ పేరిట ప్రకటన విడుదల చేశారు. మొత్తంమీద మంచు కుటుంబంలో రాజుకున్న విబేధాలు మరోసారి చర్చనీయాంశంగా మారాయి. సినిమా పరిశ్రమలో మంచు ఫ్యామిలీలో రాజుకున్న వివాదం సంచలనం రేపుతోంది.