నీ బట్టల వల్లే వాడు అలా చేశాడు.. లైంగిక వేధింపుల ఘటనలో వార్డెన్ మాట

దారుణమైన విషయం ఏమిటంటే, వార్డెన్ బాధితురాలిని బాడీ షేమింగ్ చేశారని, హాస్టల్‌లో విద్యార్థిని ముందు హస్తప్రయోగం చేసిన నిందితుడు, ఎలక్ట్రీషియన్‌పై చర్య తీసుకోవడానికి నిరాకరించారు. లైంగిక వేధింపుల సంఘటన వార్డెన్ దృష్టికి తీసుకెళ్లినప్పుడు ఆమెకు సాయం చేయడానికి బదులు వార్డెన్ విద్యార్థిని డ్రెస్సింగ్ స్టైల్‌ను తప్పుపట్టారని విద్యార్థులు ఆరోపించారు.

లైంగిక వేధింపుల ఫిర్యాదును పరిష్కరించడంలో విద్యాసంస్థ అధికారులు విఫలమైన తరువాత బాధితురాలు తన తల్లిదండ్రులు, విద్యార్థుల బృందంతో కలిసి పోలీసులను ఆశ్రయించి ఫిర్యాదు చేసింది.

ఈ కేసులో వార్డెన్‌ను తేలికగా వదిలిపెట్టకూడదని తమిళనాడు మహిళా కమిషన్ చైర్‌పర్సన్ ఎఎస్ కుమారి అభిప్రాయపడ్డారు. ఫిర్యాదును తీసుకోకుండా నిర్లక్ష్యంగా వ్యవహరించిన వారితో హాస్టల్ వార్డెన్, ఇతర అధికారులపై కఠినంగా వ్యహరించాలని ఆమె డిమాండ్ చేశారు.

" మార్చి 2023లో కళాక్షేత్రలో జరిగిన నిరసన తర్వాత , విద్యాసంస్థల్లోని విద్యార్థులకు ఎటువంటి సమస్యలు రాకుండా హెల్ప్‌లైన్‌లు ఈ మెయిల్ చిరునామాల ద్వారా ఫిర్యాదులు చేయాలని మేము అవగాహన కల్పించాము. NIT తిరుచ్చి సంఘటనలో, సంస్థలో భద్రతా లోపాల గురించి మేము ఆరా తీశాము. ఇది కూడా ఆశ్చర్యకరమైనది.

వార్డెన్ ఫిర్యాదును అనుసరించడానికి బదులుగా విద్యార్థిని నిందించింది. ఇది ఆమోదయోగ్యం కాని ప్రవర్తన, వేధింపులను భయటకు చెప్పవద్దని వార్డెన్ ఇతరులు విద్యార్థిని ఎలా బలవంతం చేశారో మేము మరింత దర్యాప్తు చేస్తాము, ” అని కుమారి ది ఫెడరల్‌కు తెలిపారు.

విద్యాసంస్థల్లో లైంగిక వేధింపులు, వేధింపుల ఫిర్యాదులపై సున్నితత్వాన్ని ఆమె వివరిస్తూ, చాలా సంస్థలు తమ ఫిర్యాదుల కమిటీలో ఉన్న సభ్యుల పేర్లను కూడా ప్రదర్శించడం లేదని అన్నారు.

"ఉదాహరణకు మదురై కామరాజ్ విశ్వవిద్యాలయంలో గత సంవత్సరం వెళ్లి చూస్తే, వారి అంతర్గత ఫిర్యాదుల కమిటీలో కేవలం పురుష సభ్యులు మాత్రమే ఉన్నారు. అయితే వారు ఎవరూ ఫిర్యాదులను ప్రోత్సహించలేదని తెలుసుకుని మేము ఆశ్చర్యపోయాము. మా జోక్యం తర్వాత మాత్రమే, మహిళా సభ్యులను కమిటీలో చేర్చారు. ఇలాంటి విషయాల్లో విద్యార్థులు ముందుకు రావాలని మేము కోరుకుంటున్నాం. అటువంటి సంఘటనలు కనిపిస్తే మాకు తెలియజేయండి’’ అని కుమారి చెప్పారు.

గత రెండేళ్లలో రాష్ట్రంలోని ప్రీమియర్ యూనివర్శిటీలతో సహా పలు విద్యాసంస్థలకు చెందిన విద్యార్థుల నుంచి తనకు 100కు పైగా ఫిర్యాదులు అందాయని ఆమె తెలిపారు.

ఈ సంఘటనను బయట పెట్టడంతో విఫలమైన NIT తిరుచ్చిలోని హాస్టల్ వార్డెన్‌ను తమిళనాడు మహిళా వేధింపుల నిషేధ చట్టం, 1998లోని సెక్షన్ 4 ప్రకారం శిక్షించవచ్చని న్యాయవాది BS అజీత తెలిపారు.

" నేరాన్ని దాచడం గర్వించదగ్గ విషయం కాదు. ఫిర్యాదు చేయడానికి ముందుకు వచ్చేలా విద్యార్థులను ప్రోత్సహించాలి. ఏదైనా విద్యా సంస్థ పరిధిలో లేదా లోపల ఒక మహిళపై వేధింపులకు పాల్పడే, పాల్గొనే లేదా ప్రోత్సహించే ఎవరైనా అయిన ఫిర్యాదు చేయవచ్చని సెక్షన్ 4 స్పష్టంగా తెలియజేస్తోంది. లేకపోతే వారిపై మూడు సంవత్సరాల జైలు శిక్ష, రూ 10 వేలకు తగ్గకుండా జరిమానా విధించబడుతుంది’’ అని లాయర్ వివరించారు.

విద్యార్థుల డ్రెస్సింగ్ స్టైల్‌లకు సంబంధించిన వ్యాఖ్యలు ప్రాచీనమైనవని ఆమె అన్నారు.

"మహిళల డ్రెస్సింగ్‌పై వ్యాఖ్యలు ఖండించదగినవి. సురక్షితమైన క్యాంపస్‌ను అందించడంలో అధికారులు విఫలమవడం గణనీయమైన ఉల్లంఘన. వారికి అవగాహన కల్పించాలి. చట్టపరమైన నిబంధనల గురించి తెలియజేయాలి" అని అజిత అన్నారు.

సోషల్ మీడియాలో వైరల్ అయిన లేఖలో, NIT తిరుచ్చి విద్యార్థిని తన గదిలో ఉంది. ఈ సమయంలో హస్టల్ ఉన్న వైఫై సమస్యను పరిష్కరించడానికి ఓ ఎలక్ట్రిషియన్ దానిలోని ప్రవేశించాడు. తనను చూసి అతను హస్త ప్రయోగం ప్రారంభించాడు. తన ప్రైవేట్ భాగాలను చూపిస్తూ అసభ్యంగా ప్రవర్తించాడు’’ అని ఫిర్యాదులో పేర్కొంది. వెంటనే అమ్మాయి గది నుంచి పారిపోయింది. ‘‘ నేను తిరిగి రూము కు వచ్చే సరికి అతను పారిపోయాడు. కానీ నేలపై అతని వీర్యం ఉంది. నేను పోలీస్ స్టేషన్ లో సమర్పించిన దాని ఫొటో ఉంది’’ ఫిర్యాదులో పేర్కొంది.

తమిళనాడు మహిళా కమిషన్, పలువురు కార్యకర్తలు ఎన్‌ఐటి తిరుచ్చిలోని హాస్టల్ వార్డెన్, ఇతర అధికారులు వ్యవహరించిన తీరును విమర్శించారు.

బాధితురాలి ఫిర్యాదు మేరకు శుక్రవారం తెల్లవారుజామున నిందితుడు కతిరేశన్‌ను అరెస్టు చేసినట్లు తిరుచ్చి పోలీసులు తెలిపారు. వార్డెన్‌తో పాటు వైఫై రూటర్లను సరిచేయడానికి ఎలక్ట్రీషియన్ల బృందం హాస్టల్ క్యాంపస్‌లోకి ప్రవేశించిందని పోలీసులు తెలిపారు. శుక్రవారం, టెక్నీషియన్‌ను పోలీసులు అరెస్టు చేయడంతో, సంస్థకు చెందిన అధికారి క్షమాపణలు చెప్పడంతో రాత్రిపూట విద్యార్థుల ఆందోళన సద్దుమణిగింది.

మరో నలుగురు కార్మికులు వేర్వేరు గదుల్లో ఉన్నారు. రూటర్‌ను బిగించాల్సిన కతిరేశన్‌ ఓ గదిలో విద్యార్థిని చూశాడు. అతడి ప్రైవేట్‌ భాగాలను బయటపెట్టాడు. తరువాత యువతి ఫొటో తీసి బయటకు పారిపోయింది. అధికారులు, వార్డెన్‌తో సహా పలువురు ఆమెను మౌనంగా ఉంచేందుకు ప్రయత్నించారు’’ అని పోలీసులు తెలిపారు.

ప్రాథమిక విచారణ అనంతరం తిరుచ్చి ఎస్పీ వరుణ్ కుమార్ క్యాంపస్‌లోని మహిళా విద్యార్థులకు సౌకర్యాలను పరిశీలించేందుకు 10 మంది మహిళా పోలీసుల బృందాన్ని పంపారు.

"మేము క్యాంపస్‌లో పని చేయని రెండు CCTVలను గుర్తించాము. అధికారులు, బాధితులను అవమానించడం గురించి విద్యార్థులు తమ ఆందోళనలను పోలీసులతో పంచుకున్నారు. ఇక ముందు ఇలాంటి చర్యలు జరగకుండ అధికారులతో చర్చించాము. అలాగే గతంలో ఇలాంటి ఘటనలు జరిగాయా అని విద్యార్థులను కోరాం. ” అని వరుణ్ కుమార్ పుతియాతలైమురై టీవీకి చెప్పారు.

"హాస్టల్ ప్రాంగణంలోకి ప్రవేశించే టెక్నీషియన్ బృందాలను ఎస్కార్ట్ చేయడానికి శిక్షణ పొందిన సెక్యూరిటీ ఏజెన్సీతో సహా, CCTVలను వెంటనే సరిచేయాలని, కఠినమైన భద్రతా చర్యలను నిర్ధారించాలని మేము అధికారులను కోరాము" అని వరుణ్ కుమార్ చెప్పారు. కాగా, చీఫ్ వార్డెన్ బేబీ విశ్వంభరన్‌ను సస్పెండ్ చేయాలని విద్యార్థులు డిమాండ్ చేయడంతో, ఆమె క్షమాపణలు చెప్పింది.

నిరసన జరిగిన కొన్ని గంటల తర్వాత NIT తిరుచ్చి పత్రికా ప్రకటన విడుదల చేసింది. నిరసనల ద్వారా విద్యార్థులు బయటకు తెచ్చిన ఈ సమస్యను అత్యంత సున్నితత్వం, ఆందోళనతో చూస్తున్నామని అధికారులను ఉటంకిస్తూ పేర్కొంది.

''ఓపాల్ మహిళా హాస్టల్‌లో ఔట్‌సోర్సింగ్ వర్కర్ పాల్పడిన తీవ్రమైన లైంగిక దుష్ప్రవర్తనపై NIT తిరుచ్చిని బాధించింది. NIT తిరుచ్చి అడ్మినిస్ట్రేషన్ దురదృష్టకర సంఘటన వివరాలలోకి వెళ్ళింది. క్యాంపస్‌లోని విద్యార్థులందరి భద్రతను, ముఖ్యంగా బాలికల భద్రతను నిర్ధారించడానికి మరింత కఠినమైన చర్యలను రూపొందించింది. ఇలాంటి సంఘటనలు జరగకుండా మరింత అప్రమత్తంగా ఉండాలని భద్రతా అధికారిని ఆదేశించాం’’ అని ఆ ప్రకటనలో తెలిపారు.

శుక్రవారం, పోలీసులు టెక్నీషియన్‌ను అరెస్టు చేయడంతో రాత్రిపూట విద్యార్థుల ఆందోళన సద్దుమణిగింది. సంస్థకు చెందిన ఒక అధికారి క్షమాపణలు చెప్పారు. ఇదే సమయంలో ఆంధ్ర ప్రదేశ్ లోని ఓ ప్రయివేట్ ఇంజనీరింగ్ కళాశాలలో మహిళల వాష్ రూమ్ లో రహస్య సీసీ కెమెరాలను బిగించడం పై విద్యార్ధులు ఆందోళన వ్యక్తం చేశారు.

తమిళనాడు మహిళల హెల్ప్‌లైన్: 181

తమిళనాడు మహిళా కమిషన్: 044-28592750, 044-28551155

ఈమెయిల్: chairscwtn@yahoo.co.in

జాతీయ మహిళా కమిషన్ హెల్ప్‌లైన్: 7827170170