అన్నామలై పార్టీ పదవుల నుంచి పక్కకు తప్పుకోబోతున్నారా?

2023 లో ఏఐడీఎంకే తో పొత్తు తెగిపోవడానికి కారణం.. అన్నామలై చేసిన వ్యాఖ్యలే. అయితే ఇప్పుడు అన్నామలై తొలగింపును తొలగింపులా కాకుండా కేవలం కులసమీకరణ దృష్ట్యా పక్కకు తప్పిస్తున్నారని సమాచారం వచ్చేలా అధిష్టానం పావులు కదుపుతోంది.

ఇటీవల కేంద్ర హోంమంత్రి అమిత్ షాతో సమావేశం అయిన అన్నామలై.. ఆయనకు పార్టీలో ఉజ్వల భవిష్యత్ ఉంటుందని, జాతీయ స్థాయిలో ఆయన పాత్ర ఉంటుందని హామీ ఇచ్చినట్లు కొన్నివర్గాలు వివరించాయి.

అన్నామలై చాలాసార్లు అన్నాదురై, జే జయలలిత వంటి నాయకులపై చాలాసార్లు అవమానకర వ్యాఖ్యలు చేశారు. దీనితో అసంతృప్తి చెందిన అన్నాడీఎంకే కాషాయ పార్టీతో సంబంధాలను తెంచుకుందని అందరికి తెలిసిన విషయమే.

దక్షిణ తమిళనాడులో పార్టీ అవకాశాలను బలోపేతం చేసేందుకు అన్నామలై స్థానంలో తేవర్ కమ్యూనిటీ ఎమ్మెల్యే నైనార్ నాగేంద్రన్ నియమించాలని భావిస్తున్నారు. అన్నామలై గౌండర్ సామాజిక వర్గానికి చెందిన వ్యక్తి.

తమిళనాడు బీజేపీ అధ్యక్షుడు కే. అన్నామలై మాట్లాడుతూ.. చర్చలు కొనసాగుతున్నాయని ప్రకటించారు. దీనితో అన్నాడీఎంకే- బీజేపీల మధ్య తిరిగి పొత్తు కుదిరిందని ఊహాగానాలు ఊపందుకున్నాయి. అయినప్పటికీ అన్నాడీఎంకే ఇప్పటి వరకూ ఎలాంటి నిర్ణయం ప్రకటించింది.

‘కాషాయ రంగులో సింగం’ అని అభిమానుల చేత తరుచుగా ముద్దుగా పిలిపించుకునే అన్నామలై.. అంతకుముందు ఐపీఎస్ అధికారిగా పనిచేసి మంచి పేరు తెచ్చుకున్నారు.

తమిళనాడులో చాలాకాలంగా రెండు ద్రవిడ పార్టీల రాజకీయ ఆధిపత్యంలోనే ఉన్నాయి. ఈ నేపథ్యంలో బీజేపీ ఇక్కడ బలపడటానికి ప్రయత్నిస్తున్నారు.

అన్నామలై తాను ఇంక బీజేపీ హై కమాండ్ కు తాను స్థిరమైన విధేయుడిగా కొనసాగుతున్నానని, పార్టీకి పూర్తిగా కట్టుబడి ఉన్నానని చెప్పాడు. ఈపీఎస్ ఢిల్లీలో చర్చలు జరిగిన తరువాత, అన్నామలై తన వాగ్థాటిని కొంచెం తగ్గించుకున్నారు.

అన్నామలై తన పాత రికార్డును కూడా మరోసారి గుర్తు చేసుకున్నాడు. ‘‘మేము 2024 లో 23 నియోజకవర్గాల్లో ఒంటరిగా పోటీ చేస్తాము. వాటిలో 30 సంవత్సరాలుగా నిద్రాణంగా ఉన్న సీట్లు కూడా ఉన్నాయి. మా కూటమి 11 స్థానాల్లో రెండవ స్థానాల్లో నిలిచింది. తమిళనాడులో బీజేపీని అధికారంలోకి తీసుకురావడమే నాపని’’ అని చెప్పుకున్నారు.

ఆ పార్టీ ఒక్క సీటు గెలవకపోయినా 2019 లో దాని ఓట్లవాటా 3.66 శాతం నుంచి 11.24 శాతానికి పెరిగింది. తన ‘‘ఎన్ మన్, ఎన్ మక్కల్’’ యాత్ర వంటి ప్రయత్నాల వల్ల ఈ పెరుగుదల వచ్చిందని ఆయన అన్నారు. అయితే ఏఐఏడీఎంకే తో పొత్తు లేకపోవడం వలన గెలుపు అవకాశాలు దెబ్బతీసి ఉండవచ్చని విశ్లేషకులు అంటున్నారు.

బీహార్, తమిళనాడు సహ ఐదు రాష్ట్రాల అసెంబ్లీ ఎన్నికలకు ముందు కేంద్ర మంత్రి పునర్వ్యవస్థీకరణ జరగనుందని ఇది కొంతమందికి పదవులు వరించే అవకాశం ఉందని ఊహగానాలు ఉన్నాయి.

అన్నామలై తరువాత బీజేపీ అధ్యక్ష పదవికి చాలా మంది పోటీ పడుతున్నారు. ప్రస్తుతం ఎమ్మెల్యే శాసనసభ పక్ష నాయకుడు నైనార్ నాగేంద్రన్ అగ్ర స్థానంలో ఉన్నాడు.

అలాగే బీజేపీ మహిళా మోర్చా జాతీయ అధ్యక్షురాలు, కోయంబత్తూర్ సౌత్ ఎమ్మెల్యే వానతి శ్రీనివాసన్, తెలంగాణ మాజీ గవర్నర్ బీజేపీ మాజీ రాష్ట్ర అధ్యక్షురాలు తమిళిసై సౌందరరాజన్ కూడా పోటీలో ఉన్నారు.

అయితే బీజేపీని దక్షిణ తమిళనాడు స్థావరాన్ని విస్తరించడానికి వ్యూహాత్మక ఎంపికగా తేవర్ వర్గానికి చెందిన నాగేంద్రన్ బీజేపీ హైకమాండ్ పరిగణించవచ్చు. అలాగే పశ్చిమ తమిళనాడు దాటి తన పట్టును బలోపేతం చేసుకోవాలని బీజేపీ ఆసక్తిగా ఉంది.

నాగేంద్రన్ వంటి తేవర్ నాయకుడిని తీసుకువస్తే దక్షిణ జిల్లాలు, అంతకుమించి డీఎంకే ప్రభావాన్ని ఎదుర్కోవాలని కాషాయ పార్టీ ఆశిస్తోంది.

2023 లో ఎన్డీఏ నుంచి బయటకు వచ్చిన తరువాత ఏఐడీఎంకే కేంద్ర ప్రభుత్వంపై బహిరంగంగా విమర్శలు చేస్తోంది. ముఖ్యంగా ఎన్ఈపీ, త్రిభాషా విధానం, డీలిమిటేషన్ వంటి వివాదాస్పద అంశాలకు సంబంధించి కేంద్ర ప్రభుత్వం పై అన్నాడీఎంకే బహిరంగంగా విమర్శలు చేస్తోంది.

అలాగే డీలిమిటేషన్ వ్యతిరేకిస్తూ డీఎంకే ఏర్పాటు చేసిన అఖిలపక్ష సమావేశంలో ఏఐడీఎంకే నాయకుడు జయకుమార్ కూడా ఆ పార్టీకి ప్రాతినిధ్యం వహించాడు. అంతకుముందు బీజేపీ టీవీకేతో పొత్తు చర్చలు ప్రారంభించింది.

కానీ అవి ముందుకు సాగలేదు. అలాగే అన్నాడీఎంకే నాయకులు ఒత్తిడి కారణంగా ఈపీఎస్ బీజేపీ వైపు మొగ్గు చూపడానికి కారణమైంది.