బడ్జెట్ పై స్టాలిన్ విసుర్లు.. కౌంటర్ ఇచ్చిన అన్నామలై
తమిళనాడుకు బడ్జెట్ లో చోటునివ్వలేదని సీఎం ఎంకే స్టాలిన్ సామాజిక మాధ్యమం ఎక్స్ లో ట్వీట్ చేశారు. దీనిపై ఆ రాష్ట్ర బీజేపీ చీఫ్ అన్నామలై కౌంటర్ ఇచ్చారు.
By : Praveen Chepyala
Update: 2024-07-25 09:54 GMT
రాజకీయ ఇష్టాయిష్టాల ఆధారంగా దేశాన్ని, ప్రభుత్వాన్ని నడపవద్దని తమిళనాడు సీఎం ఎంకే స్టాలిన్ ప్రధాని నరేంద్ర మోదీకి సూచించారు. బడ్జెట్ లో కొన్ని రాష్ట్రాలకు మాత్రమే నిధులు కేటాయించినట్లు ఆరోపణలు వస్తున్న నేపథ్యంలో ఆయన ఈ వ్యాఖ్యలు చేశారు. మీరు ఇప్పటికే దేశంలో ఒంటరి వారయ్యారని అన్నారు.
బడ్జెట్ సమర్పించిన ఒక రోజు తరువాత పార్లమెంట్ లో ఇండి కూటమి సభ్యులు తీవ్రంగా స్పందించాయి. నిధులన్నీ కూడా బీహార్, ఆంధ్రప్రదేశ్ కే కేటాయించారని, ఇక్కడ నాయుడు, నితీష్ అలయెన్స్ ద్వారా కుర్చీ బడ్జెట్ ప్రవేశపెట్టారని పార్లమెంట్ ఎదుట నిరసన చేపట్టారు.
లోక్ సభ ఎన్నికల్లో తమను ఓడించిన వారిపై పగ తీర్చుకోవడంపై దృష్టి పెట్టవద్దని ఇంతకుముందే సీఎం స్టాలిన్ సామాజిక మాధ్యమం ఎక్స్ వేదికగా ట్వీట్ చేశారు. మోదీ సాధారణంగా ప్రభుత్వాన్ని నడపాలని సూచించారు. దేశంలో ఎన్నికల పోరు ముగిసిందని ఇక పాలన పై దృష్టి పెట్టి దేశం గురించి ఆలోచించాలని అన్నారు. కానీ బడ్జెట్ ప్రవేశ పెట్టిన తీరుపై ఆయన అసంతృప్తి వ్యక్తం చేశారు.
"బడ్జెట్ 2024 మీ పాలనను కాపాడుతుంది... కానీ దేశాన్ని రక్షించదు. మీరు మీ ప్రత్యర్థులను లక్ష్యంగా చేసుకుని ప్రభుత్వాన్ని నడిపితే మీరు నిష్పక్షపాతంగా కాకుండా ఒంటరిగా ఉంటారని నేను మీకు సలహా ఇవ్వడానికి కట్టుబడి ఉన్నాను." అని స్టాలిన్ తన పోస్టులో పేర్కొన్నారు.
ఇండి కూటమిలో భాగమైన డీఎంకే పార్టీ తమిళనాడులో అధికారంలో ఉంది. గత రెండు సార్వత్రిక ఎన్నికల్లో ఇక్కడ బీజేపీ ఒక్క సీటు కూడా గెలవలేదు. కానీ ఓట్లశాతం మాత్రం భారీగా పెంచుకోగలిగింది.
బీహార్, ఏపీ ఫోకస్
బీహార్, ఆంధ్రప్రదేశ్ వంటి కొన్ని రాష్ట్రాలకు అనుకూలంగా, ఇతర రాష్ట్రాలను, ముఖ్యంగా బిజెపియేతర పాలిత రాష్ట్రాలను పూర్తిగా విస్మరించినందుకు చాలా మంది ప్రతిపక్ష నాయకులు ప్రభుత్వం, 2024 కేంద్ర బడ్జెట్‌ను నిందించిన తర్వాత పిఎం మోదీపై స్టాలిన్ స్పందన వచ్చింది. బీజేపీ ప్రభుత్వాన్ని కాపాడుకోవడానికి ఈ రాష్ట్రాలకు భారీ నిధులు ఇచ్చారని వారి ప్రధాన ఆరోపణ. అయితే కేంద్రం ఈ వాదనలను తిరస్కరించింది.
బడ్జెట్‌లో ఇతర రాష్ట్రాలపై కేంద్రం వివక్ష చూపిందని ఆరోపిస్తూ ప్రతిపక్షాలు రాజ్యసభలో వాకౌట్ చేసిన కొన్ని గంటల తర్వాత స్టాలిన్ కూడా తన స్పందన తెలిపారు. అలాగే, స్టాలిన్‌తో సహా నలుగురు ప్రతిపక్ష ముఖ్యమంత్రులు నీతి ఆయోగ్ సమావేశాన్ని బహిష్కరించారు. స్టాలిన్‌తో పాటు, సిద్ధరామయ్య (కర్ణాటక), రేవంత్ రెడ్డి (తెలంగాణ), సుఖ్‌విందర్ సుఖు (హిమాచల్ ప్రదేశ్) మోదీ నేతృత్వంలోని ప్రభుత్వాన్ని ఇబ్బంది పెట్టడానికి సమావేశాన్ని స్కిప్ చేశారు.
మా రాష్ట్ర డిమాండ్లను పట్టించుకోలేదు.
2024 బడ్జెట్‌లో తమ రాష్ట్రం కోరిన ఏ ఒక్క పథకానికి నిధులు కేటాయించలేదని ఆరోపించారు. చెన్నై మెట్రో రైలు రెండో దశ, కోయంబత్తూర్ లో మెట్రో అభివృద్ధికి కూడా పైసా విదిల్చలేదని ప్రభుత్వం ఆక్షేపించింది.
చెన్నై, దక్షిణాది జిల్లాల్లో వరద బాధిత ప్రాంతాల పునరుద్ధరణకు ఎలాంటి నిధులు కేటాయించలేదు. రాష్ట్రం ₹ 37,000 కోట్లు అడిగిందని, అయితే ఇప్పటివరకు ₹ 276 కోట్లు మాత్రమే అందాయని డిఎంకె తెలిపింది.
కానీ బీహార్‌లో వరద సంబంధిత విపత్తులను పరిష్కరించడానికి, ప్రభుత్వం ₹11,500 కోట్ల ఆర్థిక సాయాన్ని ప్రకటించింది. మొత్తం మీద, ఆర్థిక మంత్రి నిర్మలా సీతారామన్ బీహార్‌కు ₹ 58,000 కోట్లు ప్రకటించారు. అలాగే ఆంధ్రప్రదేశ్‌కు బహుపాక్షిక ఏజెన్సీల నుంచి ₹ 15,000 కోట్ల సాయం చేస్తామని హమీ ఇచ్చారు.
రాష్ట్రాన్ని మోదీ ప్రభుత్వం విస్మరిస్తోందని గతంలో బిజెపితో పొత్తు పెట్టుకున్న ఎఐఎడిఎంకెతో సహ తమిళనాడు ప్రతిపక్ష పార్టీలు కూడా అంగీకరించాయి.
బీహార్ కంటే ఎక్కువగా తమిళనాడు దేశ ఆర్థిక వ్యవస్థకు రాష్ట్రం 10 రెట్లు ఎక్కువ పన్నును అందిస్తున్నప్పటికీ, రాష్ట్రాన్ని పక్కన పెట్టడం జరుగుతుందని డిఎంకె అధికార ప్రతినిధి ఎ శరవణన్ విమర్శించారు. "మేము అతిపెద్ద పన్ను కంట్రిబ్యూటర్," అతను చెప్పాడు.
కౌంటర్ ఇచ్చిన అన్నామలై..
తమిళనాడు సీఎం చేసిన ట్వీట్ తమిళనాడు బీజేపీ చీఫ్ అన్నామలై స్పందించారు. కేంద్రం అన్ని రాష్ట్రాలను సమానంగా చూస్తోందని ఎదురుదాడికి దిగారు. కాంగ్రెస్ నేతృత్వంలోని UPA I, II ప్రభుత్వాలు సమర్పించిన 10 బడ్జెట్‌లలో ఆరింటిలో తమిళనాడు రాష్ట్ర ప్రస్తావన లేదన్నారు.
(కేంద్ర బడ్జెట్‌లో) పేర్కొన్న రాష్ట్రాలకు తప్ప ఇతర రాష్ట్రాలకు సంక్షేమ పథకాలు అందుబాటులోకి రావని స్టాలిన్ ముద్ర వేయడానికి ప్రయత్నిస్తున్నారని అన్నామలై మండిపడ్డారు. కాంగ్రెస్‌తో డీఎంకే పదేళ్లు పొత్తు పెట్టుకున్నప్పుడు, ఆరేళ్లుగా దాఖలు చేసిన బడ్జెట్‌లలో తమిళనాడు కనిపించలేదు. (ఆ సమయంలో) తమిళనాడుకు కేంద్రం ఎలాంటి కార్యక్రమాలు చేపట్టలేదని చెబుతారా? అని ఆయన ప్రశ్నించారు.
కుర్సీ-బచావో బడ్జెట్
సీతారామన్ తన బడ్జెట్ ప్రసంగంలో, బీహార్, ఆంధ్రప్రదేశ్‌లకు ఎక్కువ మొత్తంలో నిధులు కేటాయించారు. అవి బీజేపీ ప్రభుత్వానికి కేంద్రంలో సపోర్టు చేస్తున్నాయి. మెజారిటీ మార్క్ కు 272 సీట్లకు చేరుకోవడంలో బీజేపీ విఫలం కావడంతో టీడీపీ, జేడీయూ లు మద్ధతు కీలకంగా మారింది.
కాంగ్రెస్ సమర్పించిన బడ్జెట్‌లతో సహా గత బడ్జెట్‌లలో అన్ని రాష్ట్రాల ప్రస్తావన ఎప్పుడూ కనిపించలేదని ఆర్థికమంత్రి నిర్మలా సీతారామన్ అన్నారు. ప్రతి బడ్జెట్‌లో "ప్రతి రాష్ట్రానికి పేరు పెట్టే అవకాశం మీకు లభించదు" అని పార్లమెంటులో ప్రతిపక్షాలకు గట్టిగా చెప్పండని కౌంటర్ ఇచ్చారు.
ఇదిలా ఉండగా, ఈరోజు రాజ్యసభలో ప్రతిపక్ష నాయకుడు, కాంగ్రెస్ అధ్యక్షుడు మల్లికార్జున్ ఖర్గే మాట్లాడుతూ ఆ రాష్ట్రాలకు నిధులు, పథకాలు రెండు రాష్ట్రాలకు ఎలాంటి నిధులు కేటాయించలేదని, బడ్జెట్ కుర్సీ బచావో పత్రంగా అభివర్ణించారు.