నూడుల్స్ లో వజ్రాలు, లో దుస్తుల్లో బంగారం.. ముంబై ఎయిర్ పోర్టులో..

అక్రమ వ్యాపారానికి కాదేదీ అనర్హం అన్నట్లు అక్రమార్కులు చెలరేగిపోతున్నారు. ముంబై ఎయిర్ పోర్టులో వజ్రాలు, బంగారం రవాణా చేయడానికి ప్రయత్నించి పలువురు స్మగ్లర్లు కస్టమ్స్ అధికారులకు దొరికిపోయారు. ఈ సందర్భంగా రూ. 6.46 కోట్ల విలువైన వజ్రాలు, బంగారాన్ని స్వాధీనం చేసుకున్న కస్టమ్స్ విభాగం, ముంబై విమానాశ్రయంలో నలుగురు ప్రయాణికులను అరెస్టు చేసింది. నూడుల్స్ ప్యాకెట్లలో వజ్రాలను అక్రమంగా తరలిస్తూ కొందరూ, లో దుస్తులు, శరీర భాగాలతో బంగారాన్ని దాచి స్మగ్లలింగ్ చేస్తూ మరికొందరూ పట్టుబడ్డారు.