చంద్రబాబు హామీలన్నీ సూపర్ ఫెయిల్యూరే

ఎన్నికల సందర్భంగా టిడిపి నేతృత్వంలోని కూటమి పార్టీలు ఇచ్చిన సూపర్ సిక్స్ హామీలలో అనేక హామీలు ఇంకా అమలుకే నోచుకోలేదుఅయినప్పటికీ సూపర్ సిక్స్ హామీలు సూపర్ హిట్ అయ్యాయని ముఖ్యమంత్రి చంద్రబాబు నాయుడు బుకాయిస్తున్నదని రాజ్యసభ మాజీ సభ్యులు ,కాంగ్రెస్ పార్టీ రాష్ట్ర ముఖ్య అధికార ప్రతినిధి డాక్టర్ నర్రెడ్డి తులసి రెడ్డి అన్నారు.

మంగళవారం వేంపల్లి లో మీడియా సమావేశంలో మాట్లాడుతూ ఆంధ్రప్రదేశ్ సూపర్ సిక్స్ ఫెయిల్యూర్స్ లో ఇరుక్కుపోయిందని ఆయన అన్నారు.

"ఈ ఫెయిల్యూర్స్ లో  నిరుద్యోగ భృతి ప్రధానమైనది.  ప్రతి నిరుద్యోగికి నెలకు 3000 రూపాయలు చొప్పున ఆర్థిక సహాయం చేస్తామని చెప్పడం జరిగింది .రాష్ట్రంలో 20 లక్షల మంది నిరుద్యోగులు ఉన్నారు. కూటమి పార్టీలు అధికారంలోకి వచ్చి 17 నెలలు అయింది. నెలకు 3000 రూపాయలు చొప్పున 17 నెలలకు 51 వేల రూపాయలను నిరుద్యోగులకు కూటమి ప్రభుత్వం ఎగ్గొట్టింది. కనీసం వచ్చే జనవరి ఒకటో తేదీ నుంచి అయినా నిరుద్యోగ భృతిని అమలు చేయాలి," అని తులసి రెడ్డి డిమాండ్ చేశారు .