నెల్లూరులో గాంజా బ్యాచ్ Vs పోలీస్ యుద్ధం

ప్రశాంతతకు మారుపేరైన శ్రీపొట్టి శ్రీరాములు నెల్లూరు జిల్లాలో శనివారం ఉదయం జరిగిన ఈ కాల్పుల ఘటన కలకలం రేపింది. ఈ సంఘటనకు దారి తీసిన పరిస్థితి వివరాల్లోకి వెళితే..

నెల్లూరు రూరల్ మండలం సిపిఎం నేత ప్రజానాట్యమండలి కళాకారుడు పెంచలయ్య శుక్రవారం హత్యకు గురయ్యారు. గాంజా విక్రయాలు అడ్డుకోవడం తోపాటు ఆ మత్తుకు బానిస కావద్దని పెంచలయ్య కొన్ని సంవత్సరాలుగా పాటలు, వీధి సమావేశాలతో చైతన్యం చేస్తున్నారు. దీనిపై గంజాయి విక్రయాలకు డాన్ గా వ్యవహరిస్తున్న అరవ మీనాక్షి అనే మహిళ కన్న చేసినట్లు ఆరోపణలు వినిపిస్తున్నాయి.

గాంజా వ్యతిరేక ఉద్యమాన్ని ప్రారంభించిన సిపిఎం ప్రజానాట్యమండలి కళాకారుడు పెంచలయ్య పై గాంజా వ్యక్తులు టార్గెట్ చేశారు. శనివారం సాయంత్రం తన కొడుకును పాఠశాల నుంచి బైక్లో పెంచలయ్య తీసుకుని వస్తూ ఉండగా కల్లూరుపల్లె హౌసింగ్ బోర్డు కాలనీ వద్ద సుమారు పదిమంది యువకులు ముసుగులో ధరించి అడ్డగించారని తెలిసింది. తమ వెంట తెచ్చుకున్న కత్తులతో విచక్షణారహితంగా దాడి చేయడం వల్ల సిపిఎం నేత పెంచలయ్య తీవ్రంగా గాయపడ్డాడు. ఆయన చనిపోయాడు అనుకుని భావించిన పదిమంది యువకులు అక్కడి నుంచి పారిపోయారు. గమనించిన స్థానికులు సిపిఎం నేతలకు సమాచారం ఇవ్వడంతో పాటు రక్తం ఓడుతున్న పెంచలయ్యను ఆసుపత్రికి తరలించారు. చికిత్స పొందుతూ ఆయన మరణించారు. దీంతో నెల్లూరు జిల్లాలో సీపీఎం తో పాటు మిగతా వామపక్ష పార్టీలు నాయకులు తీవ్ర ఆగ్రహం వ్యక్తం చేశారు. నిరసనకు దిగారు.

సిపిఎం ప్రజానాట్యమండలి కళాకారుడు హత్య చేసిన నిందితుల కోసం పోలీసులు గాలింపు చర్యలకు దిగారు. ఆ పది మంది యువకుల ముఠా చక్కెర ఫ్యాక్టరీ వద్ద దాక్కుని ఉండగా పట్టుకోడానికి చేసినట్లు తెలిసింది. గంజాయి బ్యాచ్ యువకులు, పోలీసుల మధ్య పరస్పర దాడులు జరిగినట్లు కూడా వార్తలు వినిపిస్తున్నాయి.

నెల్లూరు నగరం అంటే ప్రశాంతతకు, రాజకీయ పార్టీ నేతల మధ్య మాటల వరకే విమర్శలు ఉండేవి. ప్రస్తుతం ఆ పరిస్థితి పూర్తిగా మారిపోయింది. నెల్లూరు నగరం అనేది గాంజా సరఫరాకు కేంద్ర బిందువుగా మారినట్లు పోలీస్ రికార్డులే చెబుతున్నాయి. కోస్తా ఆంధ్ర ప్రాంతం నుంచి నెల్లూరు మీదుగా గాంజా ఇతర ప్రాంతాలకు తరలించడానికి నగరంలో డాన్లు తయారయ్యారు.

నెల్లూరు నగరం, శివారు ప్రాంతాల్లోని జాతీయ రహదారులపై గంజాయి తరలించకుండా అడ్డుకోవడానికి పోలీసులు తనిఖీలు నిర్వహించారు. ఆ సమయంలో కూడా రెండు మూడు సార్లు గంజాయి తరలిస్తున్న వ్యక్తులు వాహనాలను పోలీసుల పైకి దూసుకు వచ్చిన సంఘటనలు జరిగాయి. ఇదిలా ఉంటే,

నెల్లూరు నగరం లో రౌడీయిజం మరింత పెట్రేగిందని పోలీస్ రికార్డులు చెబుతున్నాయి. ఈ సంవత్సరంలోనే సుమారు 32 హత్యలు జరిగినట్లు మీడియా కథనాలు స్పష్టం చేస్తున్నాయి. అందులో ఆంధ్ర, కర్ణాటక, తెలంగాణ రాష్ట్రాల హిజ్రా సంఘాల అధ్యక్షురాలుగా ఉన్న హాసిని హత్య తర్వాత జరిగిన అనేక సంఘటనలు నెల్లూరు ప్రతిష్టను మసకబారేలా చేశాయని చెప్పడంలో ఏమాత్రం సందేహం లేదు.

నెల్లూరు నగరంలో జీవిత ఖైదు అనుభవిస్తున్న శ్రీకాంత్ అనే రౌడీషీటర్ తిరుపతి స్విమ్స్ ఆస్పత్రిలో చికిత్స పొందుతుండగా నెల్లూరు లేడీ డాన్ గా ఆరోపణలు ఎదుర్కొన్న ఆయన ప్రియురాలు నిడిగుంట అరుణ ఎపిసోడ్ రాష్ట్రంలో సంచలనం రేకెత్తించింది. సెటిల్మెంట్లు, కిరాయి హత్యల వ్యవహారం కూడా తెరపైకి వచ్చింది. వీరి అనుచరులుగా ఉన్నవారే నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డిని హత్య చేసేందుకు కూడా సాగించిన మాటలు తీవ్ర కలకలం రేపాయి.

నెల్లూరు నగరంలో గంజాయి విక్రయాలు ఎక్కువయ్యాయి. దీనికి అడ్డుకట్ట వేయాలని ప్రయత్నాలు చేస్తున్న వ్యక్తులు దాడులకు గురవుతున్నారు. సీపీఎం ప్రజానాట్య మండలి కళాకారుడు పెంచలయ్య హత్యతో గంజా విక్రయాలకు కేంద్రంగా మారిన నెల్లూరు నగరంలో పోలీసులు మరింత కఠినంగా వ్యవహరించాల్సిన అవసరాన్ని వామపక్ష నేతలు డిమాండ్ చేశారు.