పవన్‌ కల్యాణ్‌ కొడుకుని కాపాడిన వారికి సత్కారం

సింగపూర్‌లో పవన్‌ కల్యాణ్‌ చిన్న కుమారుడు మార్క్‌ శంకర్‌ చదువుకుంటున్న పాఠశాలలోని మూడో అంతస్తులో ఈ నెల 8న అగ్ని ప్రమాదం జరిగింది. పొగలు చుట్టుకోవడంతో అందులోని చిన్నారులంతా భయబ్రాంతులకు గురయ్యారు. ఈ అగ్ని ప్రమాదంలో పవన్‌ కల్యాణ్‌ చిన్న కొడుకు మార్క్‌ శంకర్‌తో పాటు మరో 22 మంది చిన్నారులు చిక్కుకున్నారు. చిన్నారుల అరుపులు విన్న నలుగురు ప్రవాస భారతీయ కార్మికులు తమ ప్రాణాలను సైతం లెక్క చేయకుండా వారిని రక్షించేందుకు రంగంలోకి దిగారు.

ప్రమాదంలో చిక్కుకున్న చిన్నారులను సురక్షితంగా ప్రాణాలతో రక్షించారు. ప్రవాస భారతీయులు చూపించిన తెగువ, ధైర్య సాహసాలను ప్రదర్శించిన తీరు పట్ల సింగపూర్‌ ప్రభుత్వం మెచ్చుకుంది. అంతటితో ఆగని సింగపూర్‌ ప్రభుత్వం ఆ నలుగురు ప్రవాస భారతీయ కార్మికులను సత్కరించాలని సింగపూర్‌ ప్రభుత్వం నిర్ణయం తీసుకుంది. ఈ నేపథ్యంలో ఆ నలుగురు ప్రవాస భారతీయ కార్మికులను సత్కరించి గౌరవించింది. మార్క్‌ శంకర్‌ కోలుకోవాలని ప్రార్థించిన వారందరికీ సోషల్‌ మీడియా ద్వారా కృతజ్ఞతలు తెలిపిన పెదనాన్న మెగాస్టార్‌ చిరంజీవి, మార్క్‌ శంకర్‌ ప్రస్తుతం కోలుకుంటున్నట్లు తెలిపారు.