ఓటరు నమోదుకు నాలుగు అవకాశాలు

• ప్రభుత్వ-ప్రైవేటు భాగస్వామ్యం (PPP) విధానంలో నిర్మించే వైద్య కళాశాలలు, ఆస్పత్రులకు తప్పనిసరిగా “ప్రభుత్వ వైద్య కళాశాల & ఆస్పత్రి” అనే పేరే పెట్టాలి.
• ప్రదేశం పేరు + పీపీపీ భాగస్వామి పేరును 70:30 నిష్పత్తిలో ప్రదర్శించవచ్చు.
• ఆదోని, మార్కాపురం, మదనపల్లె, పులివెందుల వైద్య కళాశాలలకు గతంలో కేటాయించిన 257.50 ఎకరాలను 197.71 ఎకరాలకు తగ్గించారు.
• PPP భూములను వాణిజ్య, వైద్యేతర కార్యక్రమాలకు వినియోగించరాదు. 625 పడకల ఆస్పత్రి, 150 UG + 24 PG సీట్లు, వసతి గృహాలు, సిబ్బంది నివాసాలు తప్పనిసరి.
• భవిష్యత్తులో దంత, నర్సింగ్ కాలేజీలు, ఆయుష్, టెలిమెడిసిన్ కేంద్రాలు ఏర్పాటు చేసుకోవచ్చు. అదనపు ఆదాయంలో 3% ప్రభుత్వానికి చెల్లించాలి.
• కొత్త ఆస్పత్రి ప్రారంభమైన మొదటి రెండేళ్లు వైద్య, పారామెడికల్ సిబ్బంది జీతాలు ప్రభుత్వమే భరిస్తుంది.
• అన్ని పడకల్లో కనీసం 70% నగదు రహితంగా పేదలకు (ఆరోగ్యశ్రీ, ఇతర పథకాలు) కేటాయించాలి.

ప్రైవేటు ఆయుష్ ఆస్పత్రులకు రిజిస్ట్రేషన్ తప్పనిసరికి ఆమోదం తెలిపింది. 2002 అలోపతి ప్రైవేట్ కేర్ యాక్ట్‌లో సవరణలకు ఆమోదం. ఇకపై ప్రైవేటు ఆయుర్వేదం, యోగా, యూనానీ, సిద్ధ, హోమియోపతి ఆస్పత్రులు తప్పనిసరిగా రిజిస్టర్ చేసుకోవాలి. రోగుల భద్రత, నాణ్యత నియంత్రణ పెరుగుతుందని ప్రభుత్వం భావిస్తోంది.

పోలవరం ప్రాజెక్టు మూడు అనుబంధ పనులకు ఆమోదం తెలిపింది 

• • స్పిల్‌వే కనెక్టింగ్ టన్నెల్స్-రేడియల్ డ్యామ్ వరకు రోడ్డు → రూ.117.86 కోట్లు
  • గ్యాప్-1 నుంచి ఎడమ కాలువ హెడ్ రెగ్యులేటర్ వరకు 21 కి.మీ రోడ్డు → రూ.217.55 కోట్లు
  • పురుషోత్తపట్నం నుంచి గండిపోచమ్మ గుడి వరకు 6 కి.మీ రక్షణ గోడ → రూ.207.50 కోట్లు

• విశాఖ గూగుల్ డేటా సెంటర్ ప్రాజెక్టుకు 480 ఎకరాల భూమిని నోటిఫైడ్ భాగస్వాములకు కేటాయించేందుకు గూగుల్ అనుబంధ సంస్థ రైడెన్ అభ్యర్థనకు ఆమోదం.
• పట్టణాల్లో భవన నిర్మాణ దశలో ఖాళీ స్థలం పన్నుపై 50% మినహాయింపుకు బిల్లు ఆమోదం.
• హోర్డింగ్‌లు, బ్యానర్లు, బస్సు/ఆటో ప్రకటనలకు లైసెన్స్ తప్పనిసరి చేస్తూ కొత్త నియమావళి.
• నూర్‌బాషా/దూదేకుల సంక్షేమ సంస్థను రద్దు చేసి, సహకార సంఘాల చట్టం కింద కొత్త ‘ఏపీ నూర్‌బాషా/దూదేకుల సహకార ఆర్థిక సంస్థ’ ఏర్పాటుకు ఆమోదం.
• 18 ఏళ్లు నిండిన యువతకు ఓటరు నమోదుకు ఏడాదికి నాలుగు అవకాశాలు (జనవరి 1, ఏప్రిల్ 1, జులై 1, అక్టోబర్ 1) కలు కల్పించేందుకు పంచాయతీరాజ్ చట్ట సవరణ ఆర్డినెన్స్‌కు గ్రీన్ సిగ్నల్.
• 2025-26 ఖరీఫ్ ధాన్యం సేకరణకు మార్క్‌ఫెడ్ ద్వారా రూ.5,000 కోట్ల రుణానికి ఆమోదం.
• ఏపీ ఫైబర్‌నెట్ నిర్వహణను ప్రైవేటు సంస్థలకు అప్పగించేందుకు అంగీకారం.
• ఎస్సీ, ఎస్టీ కుటుంబాలకు రూఫ్‌టాప్/గ్రౌండ్ మౌంటెడ్ సోలార్ కోసం నాబార్డు నుంచి రూ.3,762.26 కోట్ల రుణానికి ప్రభుత్వ గ్యారెంటీ.