ఏపీని హడలెత్తిస్తున్న దిత్వాహ్ తుపాను, 30 నుంచి భారీ వర్షాలు
దిత్వాహ్ (Ditwah) అనే సైక్లోన్ పేరుకు అర్థం ఏమిటంటే..
By : The Federal
Update: 2025-11-27 11:56 GMT
నైరుతి బంగాళాఖాతం, దానికి ఆనుకుని ఉన్న శ్రీలంక తీరంలో తీవ్ర వాయుగుండం.. తుపానుగా మారిందని ఏపీ విపత్తుల నిర్వహణ సంస్థ తెలిపింది. ఈ తుపానుకు ‘దిత్వాహ్’గా యెమన్‌ దేశం నామకరణం చేసినట్టు అధికారులు తెలిపారు. ఉత్తర తమిళనాడు-పుదుచ్చేరికి ఆనుకుని ఉన్న దక్షిణ కోస్తా తీరం వైపు గడిచిన 6 గంటల్లో గంటకు 15 కి.మీ వేగంతో తుపాను కదులుతోందని పేర్కొన్నారు. దిత్వాహ్ తుపాను ట్రింకోమలీ(శ్రీలంక)కి 200 కి.మీ, పుదుచ్చేరికి 610 కి.మీ, చెన్నైకి ఆగ్నేయంగా 700 కి.మీ దూరంలో కేంద్రీకృతమై ఉంది. ఆదివారం తెల్లవారుజామున నైరుతి బంగాళాఖాతం ఆనుకుని తమిళనాడు, పుదుచ్చేరి, దక్షిణకోస్తా తీరాలకు చేరే అవకాశముందని విపత్తుల నిర్వహణ సంస్థ తెలిపింది.
బంగాళాఖాతంలో ఏర్పడిన తీవ్ర వాయుగుండం 'దిత్వాహ్' (Ditwah) తుపానుగా మారిందని, ఇది ఉత్తర తమిళనాడు, పుదుచ్చేరి, దక్షిణ ఆంధ్రప్రదేశ్ తీరాల వైపు కదులుతోందని భారత వాతావరణ శాఖ (IMD) తెలిపింది.
ప్రస్తుత పరిస్థితి, అంచనాలు…
ఈ తుపాను నైరుతి బంగాళాఖాతం, శ్రీలంక తీరానికి ఆనుకుని కేంద్రీకృతమై ఉంది. ఇది గంటకు 15 కి.మీ. వేగంతో ఉత్తర-వాయువ్య దిశగా పయనిస్తోంది. నవంబర్ 30 తెల్లవారుజామున ఉత్తర తమిళనాడు-పుదుచ్చేరి, దక్షిణ ఆంధ్రప్రదేశ్ తీరాలను సమీపించే అవకాశం ఉంది.
వాతావరణ హెచ్చరికలు
ఆంధ్రప్రదేశ్: ప్రకాశం, నెల్లూరు, కడప, అన్నమయ్య, తిరుపతి, చిత్తూరు జిల్లాలకు రెడ్ అలర్ట్ ప్రకటించారు. నవంబర్ 30న ఈ ప్రాంతాల్లో 20 సెం.మీ.కు పైగా అత్యంత భారీ వర్షాలు కురిసే అవకాశం ఉంది.
తమిళనాడు: నవంబర్ 27 నుండి 30 వరకు అనేక జిల్లాలకు ఆరెంజ్, ఎల్లో అలర్ట్‌లు జారీ అయ్యాయి. అన్ని ఓడరేవుల్లో రెండో నంబరు ప్రమాద హెచ్చరిక జారీ అయింది. మత్స్యకారులు వేటకు వెళ్లవద్దని అధికారులు హెచ్చరించారు. ప్రజలు అప్రమత్తంగా ఉండాలని, రైతులు తగిన జాగ్రత్తలు తీసుకోవాలని సూచించారు.
ఈనెల 30న ప్రకాశం, నెల్లూరు, కడప, అన్నమయ్య, తిరుపతి, చిత్తూరు జిల్లాల్లో అత్యంత భారీ వర్షం కురిసే అవకాశముందని రెడ్ అలర్ట్ ప్రకటించారు. ఆయా జిల్లాల్లో 20 సెం.మీకు పైగా వర్షపాతం నమోదయ్యే అవకాశముందని విపత్తు నిర్వహణ సంస్థ అధికారులు తెలిపారు. మత్స్యకారులు వేటకు వెళ్లొద్దని హెచ్చరించారు. రైతులు జాగ్రత్తలు తీసుకోవాలని, ప్రజలు అప్రమత్తంగా ఉండాలని సూచించారు.
దిత్వాహ్ (Ditwah) అనే సైక్లోన్ పేరుకు అర్థం ఏమిటంటే..
ఈపేరును యెమెన్ (Yemen) దేశం సూచించిన పేరు. “Ditwah” అనేది యెమెన్‌లోని సోకోత్రా దీవిలో ఉన్న ప్రసిద్ధ తీర ప్రాంతం / లగూన్ ("Ditwah Lagoon") పేరు. దీని అర్థం ఏమిటంటే ప్రకృతి సౌందర్యం, ప్రశాంతత, నీలి రంగు సముద్రపు లగూన్ అనే భావం వచ్చే భౌగోళిక స్థలానికి చెందిన పేరు. “దిత్వాహ్” యెమెన్‌లోని సోకోత్రా దీవిపై ఉన్న అందమైన లగూన్‌కు పెట్టిన పేరు.