ఢీకొన్న కార్లు..5 మంది మృతి
కర్నూలు జిల్లాలో రెండు ఘోర రోడ్డు ప్రమాదాలు చోటుచేసుకున్నాయి.
By : Vijayakumar Garika
Update: 2025-11-29 02:35 GMT
కర్నూలు జిల్లాలో శనివారం ఉదయం ఎమ్మిగనూరు నియోజకవర్గం, కోటేకల్ గ్రామం సమీపంలో రెండు కార్లు ఢీ కొని ఘోర ప్రమాదం జరిగింది. ఈ దుర్ఘటనలో ఇద్దరు చిన్నారులతో సహా మొత్తం ఐదుగురు అక్కడికక్కడే మృతి చెందారు. మరో నలుగురికి తీవ్ర గాయాలయ్యాయి. గాయపడిన వారిని వెంటనే ఆదోని ప్రభుత్వ ఆస్పత్రికి తరలించి చికిత్స అందిస్తున్నారు.
మృతులంతా కర్ణాటక రాష్ట్రం కోలార్ జిల్లా చికి చెందిన ఒకే కుటుంబ సభ్యులు.
- వెంకటేశప్ప (60)
- కూతురు మీనాక్షి (32)
- అల్లుడు సతీశ్ (36)
- మనవళ్లు రుత్విక్, బన్నీగౌడ్ (చిన్నారులు)
వీరు కర్ణాటకలోని తమ స్వగ్రామం చిక్కహోసల్లి నుంచి శ్రీ రాఘవేంద్రస్వామి దర్శనం కోసం మంత్రాలయం వెళ్తుండగా ఈ దుర్ఘటన జరిగింది. కోటేకల్ పోలీసులు కేసు నమోదు చేసి దర్యాప్తు చేపట్టారు.