నన్ను రాజ్యసభకు ఎంపిక చేయడమే బీజేపీ గొప్పతనం

బీజేపీలో వెనుకబడిన తరగతుల వారికి ప్రాధాన్యత, పార్టీ కోసం పని చేసే వారికి గుర్తింపు వస్తుందనేందుకు తనను రాజ్యసభకు ఎంపిక చేయడమే నిదర్శనమని ఏపీ నుంచి బీజేపీ రాజ్యసభ అభ్యర్థి పాకా వెంకట సత్యనారాయణ అన్నారు. రాజ్యసభకు నామినేషన్ వేసిన అనంతరం విజయవాడలోని బీజేపీ రాష్ట్ర కార్యాలయంలో ఏర్పాటు చేసిన విలేకరుల సమావేశంలో మాట్లాడారు. రాష్ట్ర నేతలు అందరూ తన పేరును ఎంపిక చేసి పార్టీ అధిష్టానానికి పంపించినందుకు ప్రత్యేక ధన్యవాదాలు తెలిపారు. నామీద పార్టీ ఉంచిన నమ్మకాన్ని నిలబెట్టుకునేలా పని చేస్తానని అన్నారు. ఏపీలో బీజేపీ బలోపేతం చేస్తూ కూటమి లక్ష్యాలను ముందుకు తీసుకెళతానన్నారు.