శ్రీసిటీకి 6 వేల ఎకరాలు
రేమాండ్స్ ప్రాజెక్టులకు శంకుస్థాపన చేసిన సీఎం చంద్రబాబు
ఆంధ్రప్రదేశ్ ముఖ్యమంత్రి నారా చంద్రబాబు నాయుడు శ్రీసిటీకి 6 వేల ఎకరాల భూమిని కేటాయించనున్నట్టు ప్రకటించారు. శ్రీసిటీని అభివృద్ధి మోడల్‌గా తీర్చిదిద్దుతామని హామీ ఇచ్చారు. 30వ సీఐఐ భాగస్వామ్య సదస్సు రెండో రోజు కార్యక్రమాల్లో భాగంగా శనివారం ఆయన వర్చువల్‌గా రేమాండ్స్ గ్రూప్ ప్రాజెక్టులకు శంకుస్థాపన చేశారు. శ్రీసిటీలో 5 కంపెనీలను ప్రారంభించారు. అదనంగా 12 కంపెనీలతో రూ.2320 కోట్ల విలువైన ఎంఓయూలు కుదుర్చుకున్నారు.
రేమాండ్స్ గ్రూప్ రూ.1201 కోట్ల పెట్టుబడితో మూడు ప్రాజెక్టులను ఏర్పాటు చేయనుంది. ఇవి ఉమ్మడి అనంతపురం జిల్లాలోని రాప్తాడు గుడిపల్లి టెకులోదు ప్రాంతాల్లో ఏర్పాటు కానున్నాయి. సిల్వర్ స్పార్క్ అపారెల్ మాన్యుఫాక్చరింగ్ పార్క్ రాప్తాడు రూ.497 కోట్లు ఆటో కాంపోనెంట్ మాన్యుఫాక్చరింగ్ ప్లాంట్ గుడిపల్లి రూ.441 కోట్లు ఏరోస్పేస్ పరికరాల తయారీ యూనిట్ టెకులోదు రూ.262 కోట్లు. ఈ ప్రాజెక్టుల ద్వారా 6500 మందికి ప్రత్యక్ష ఉద్యోగాలు లభిస్తాయి. 2027 నాటికి ప్రాజెక్టులు పూర్తి చేస్తామని రేమాండ్స్ హామీ ఇచ్చింది. కియా మోటార్స్ సమీపంలోనే ఆటో కాంపోనెంట్ ప్లాంట్ ఏర్పాటు కానుంది.
శ్రీసిటీకి 6 వేల ఎకరాలు అదనంగా కేటాయిస్తాం. 50 దేశాలకు పైగా కంపెనీలు శ్రీసిటీ నుంచి పనిచేయనున్నాయి. 1.50 లక్షల ఉద్యోగాలు సృష్టించే మోడల్‌గా మారుతుంది. సమీపంలో ఎయిర్ స్ట్రిప్ నిర్మాణం పరిశీలనలో ఉంది. 2028 నాటికి బెస్ట్ పారిశ్రామిక ప్రాజెక్టుగా తీర్చిదిద్దుతాం. శ్రీసిటీలో ఇప్పటికే డైకెన్ ఇసుజూ క్యాడ్బరీ వంటి ప్రముఖ సంస్థలు ఉత్పత్తులు చేస్తున్నాయి. బెల్జియం జపాన్ యూకే జర్మనీ ఆస్ట్రేలియా దేశాలకు చెందిన హెల్త్ కేర్ ఇంజనీరింగ్ ఎలక్ట్రానిక్స్ ఆటోమొబైల్ మెడికల్ డివైసెస్ కంపెనీలకు రూ.8.87 లక్షల కోట్ల పెట్టుబడులకు అనుమతులు ఇచ్చాం అని ముఖ్యమంత్రి చంద్రబాబు చెప్పారు.
రేమండ్స్ తో ఒప్పందం
గడచిన 18 నెలల్లో రూ.22 లక్షల కోట్ల పెట్టుబడులు ఆకర్షించాం. సీఐఐ సదస్సు రెండు రోజుల్లోనే రూ.13 లక్షల కోట్ల పెట్టుబడులు. 20 లక్షల ఉద్యోగాలు సృష్టించే లక్ష్యం 3-4 ఏళ్లలో సాధ్యమవుతుంది. దేశంలో తొలిసారిగా పారిశ్రామిక ప్రోత్సాహకాలకు ప్రభుత్వ హామీతో ఎస్క్రో ఖాతా ఏర్పాటు చేస్తున్నాం అని పేర్కొన్నారు.
రాయలసీమలో కియా మోటార్స్ 2014-19 మధ్య తెచ్చాం. డ్రోన్ సిటీ స్పేస్ సిటీ ఏర్పాటు జరుగుతోంది. ఏరోస్పేస్ డిఫెన్స్ కారిడార్లు వస్తున్నాయి. రేమాండ్స్ ఏరోస్పేస్ రక్షణ ఉత్పత్తులు తయారు చేస్తుంది అన్నారు.
రేమాండ్స్ గ్రూప్ గౌతమ్ మైనీ మాటల్లో ఏపీలో అనుమతులు వేగంగా వస్తున్నాయి. పాలసీలు అనుకూలంగా ఉన్నాయి. 25 ఏళ్లుగా ఏరోస్పేస్ రంగంలో ఉన్నాం. డిఫెన్స్ రంగంలో బలోపేతం అవుతాం అని అన్నారు.
సీఐఐ సదస్సులో 60 దేశాల నుంచి ప్రతినిధులు, మంత్రులు హాజరయ్యారు. 67 సెషన్లు 700 బీటూబీ సమావేశాలు. దావోస్ తరహాలో నిర్వహణ జరిగింది. 2047 వికసిత్ భారత్ లక్ష్యాలకు అనుగుణంగా పాలసీలు రూపొందించారు. కార్మిక, ఆర్థిక, ఇన్‌ఫ్రా సంస్కరణలు చేపట్టారు.
కార్యక్రమంలో పరిశ్రమల శాఖ మంత్రి టీజీ భరత్ సీఎస్ కె.విజయానంద్ రేమాండ్స్ జతిన్ ఖన్నా శ్రీసిటీ ఎండీ రవిసానారెడ్డి పాల్గొన్నారు.