అత్యాచారం కేసులో ముందస్తు బెయిల్ కోసం ప్రజ్వల్, ఆయన తల్లి దరఖాస్తు

లైంగిక వేధింపులు, లైంగిక దాడులు, అత్యాచారం ఆరోపణలు ఎదుర్కొంటున్న కర్నాటక జేడీ (ఎస్) నాయకుడు ప్రజ్వల్ రేవణ్ణ ముందస్తు బెయిల్ కోసం బెంగళూరులోని ప్రత్యేక కోర్టును ఆశ్రయించారు. లైంగిక దాడులకు సంబంధించి ఆయనపై పలువురు మహిళలు ఫిర్యాదు చేశారు. మాజీ ప్రధానమంత్రి దేవెగౌడ మనుమడైన ప్రజ్వల్ ఇటీవలే జేడీ (ఎస్) పార్టీ నుంచి సస్పెండ్ అయ్యారు. అత్యాచారం కేసుల్లో ముందస్తు బెయిల్ కోసం ఆయన మే 29న (బుధవారం) బెంగళూరులోని ప్రత్యేక కోర్టులో పిటిషన్ దాఖలు చేసుకున్నారు. ఆయన తరఫు న్యాయవాదులు ఈ పిటిషన్ దాఖలు చేశారు. ప్రస్తుతం పరారీలో ఉన్న ప్రజ్వల్ మే 31న బెంగళూరు వస్తారని తెలుస్తోంది.