ఏమండీ శ్రీమతి గారు, సాదరఖర్చులకు డబ్బులిస్తారా?

జంబలకడిపంబ సినిమా గుర్తుందిగా.. 1993 ప్రాంతంలో ఇ.వి.వి సత్యనారాయణ దర్శకత్వంలో వచ్చిన ఓ అద్భుత సినిమా. పురుషాధిక్య సమాజంపై ఓ రకమైన తిరుగుబాటు ఆ సినిమా. నరేష్, ఆమని ప్రధాన పాత్రలు పోషించారు. ఈ సినిమాలో మహిళలు ఎదుర్కొనే సమస్యల గురించే కాకుండా ఆడవాళ్ళ పనులు మగవారు, మగవాళ్ళ పనులు ఆడవాళ్ళు చేస్తే ఎలా ఉంటుందో వినోదభరితంగా తెరకెక్కించారు. సూపర్ డూపర్ హిట్టయింది. బ్రహ్మానందం పాత్ర మరీనూ. ఆ సినిమాలో మగవాళ్లు తమ సాదర ఖర్చులకు కూడా మహిళల్నే అడగాల్సి ఉంటుంది.

ఇప్పుడు సరిగ్గా జపాన్ లో అదే జరుగుతోందట. పురుషులు ఉద్యోగం చేసి సంపాదించిన డబ్బును ఇంట్లో ఆడవారికి కుటుంబాన్ని పోషించే వారు. దీనికి భిన్నంగా జపాన్ వాసులు కొందరు మరో సంప్రదాయాన్ని పాటిస్తున్నారు. దీనిప్రకారం భర్తలు సంపాయించి భార్యల చేతిలో పెడితే వాళ్లు అన్ని రకాల ఖర్చులు పోను మిగిలిన మొత్తంలో రోజుకింతని తమ మగవాళ్లకు చేతిఖర్చుల కోసం ఇస్తున్నారట.