'మమ్ముట్టి' పేరు ఎలా వచ్చిందనే కథ సినిమా కన్నా ట్విస్ట్‌గా!
స్వయంగా చెప్పిన తన అసలు నిజం
మలయాళ మెగాస్టార్ మమ్ముట్టి—ఈ పేరు వినగానే ఇండియన్ సినిమాకు ఓ ప్రత్యేక గౌరవం గుర్తుకువస్తుంది. అయితే దేశవ్యాప్తంగా కోట్లాది మంది అభిమానులు రోజూ పలుకుతున్న ఈ పేరు… అసలే ఆయనది కాదని చెప్పితే నమ్ముతారా? ఇంకా షాకింగ్ విషయం ఏమిటంటే—
మమ్ముట్టి అనే పేరు ఒక భారీ ప్లానింగ్‌తో కాదు… ఒక చిన్న పొరపాటుతో పుట్టిందట!
అదీ ఎవరో కాదు, ఆయన కాలేజ్ ఫ్రెండ్ చేసిన ఓ తప్పు చదివిన మాట కారణంగా.
ఇండియన్ సినిమా చరిత్రలో అత్యంత యానికానిక్ పేర్లలో ఒకటి… ఒక యాక్సిడెంట్ వల్లే పుట్టిందంటే?
అదేంటి? ఆ పొరపాటు ఎలా మమ్ముట్టిని సూపర్‌స్టార్‌గా మార్చింది?
ఆయనే చెప్పిన అసలు కథ మీకోసం— రూమర్ కాదు… నిజం ఇదే!
దేశవ్యాప్తంగా భారీ క్రేజ్ ఉన్న నటుడు మలయాళ మెగాస్టార్ మమ్ముట్టి అంటే సందేహమే లేదు . యాత్ర సినిమాతో తెలుగు ప్రేక్షకులకూ మరింత దగ్గరైన ఆయన, ప్రస్తుతం వరుసగా సినిమాలు చేస్తూ కెరీర్‌లో మరో గోల్డెన్ రన్ ఎంజాయ్ చేస్తున్నారు. కానీ… మమ్ముట్టి అసలు పేరు అదికాదు అన్న విషయం ఎంత మందికి తెలుసు?
అలాగే 'మమ్ముట్టి' అనే పేరు ఎలా వచ్చిందో అసలు కథ చాలా ఇంట్రస్టింగ్, సినిమా స్క్రిప్ట్‌లా ఉంటుంది. అదేంటో చూద్దాం.
కాలేజ్‌లో ‘ఒమర్ షరీఫ్’ అంటూ ఫుల్ హైప్ ఇచ్చిన మమ్ముట్టి! ఒక ఈవెంట్‌లో పాల్గొన్న మమ్ముట్టి తన అసలు పేరుపై సెన్సేషనల్ రివీలేషన్ చేశారు. ఆయన అసలు పేరు — మహమ్మద్ కుట్టి.
కాలేజ్ రోజుల్లో మాత్రం… యాక్టింగ్ పిచ్చితో అందరికీ
“నా పేరు ఒమర్ షరీఫ్”
అని చెప్పేవాడట! ఆడపిల్లలకే కాదు, మొత్తం కాలేజీలో అందరికి అదే పేరుతో ఫేమస్ ట.
ఒక చిన్న పొరపాటు… ఒక గొప్ప స్టార్ పేరు!
ఒకరోజు మమ్ముట్టి ID కార్డు మర్చిపోయారట. అప్పుడు క్లాస్‌లో ఆయన అసలు పేరు బయటపడింది. ఒక ఫ్రెండ్ ఐడీ కార్డు చూసి:
“అరే… నీ పేరు షరీఫ్ కాదు, మమ్ముట్టి కదా?” అని చదివేశాడు.
అసలు పేరు మహమ్మద్ కుట్టి
కానీ ఫ్రెండ్ పొరపాటున మమ్ముట్టి అని చదివాడు!
అదే పేరు అక్కడినుంచి అందరి నోట్లో పడ్డది.
అలాగే… అదే పేరు ఆయన కెరీర్‌ను నక్షత్రాలంత ఎత్తుకు తీసుకెళ్లింది!
"నా పేరు వెనక ఉన్న అసలు కథ ఇదే" – మమ్ముట్టి క్లారిటీ
తనపై ఎన్నో రూమర్లు, ఎన్నో థియరీలు తిరిగాయని మమ్ముట్టి చెప్పారు. కానీ నిజం మాత్రం ఇదే— తన పేరు పెట్టింది ఎవరో కాదు, తన చిన్ననాటి ఫ్రెండ్ శశిధరన్. అతనినే స్టేజ్ మీద అందరికీ పరిచయం చేస్తూ మమ్ముట్టి ఎమోషనల్ అయ్యారు.
“నేను ఈ స్థాయికి రావడానికి కారణం కూడా ఇదే పేరు”
అని చెప్పి అందర్నీ సర్‌ప్రైజ్ చేశారు.
ఇప్పుడేమిటి?
మమ్ముట్టి ఫుల్ జోష్‌లో… ఫుల్ బిజీగా!.సీనియర్ హీరో అయినప్పటికీ, మమ్ముట్టి ప్రస్తుతం కేవలం సోలో సినిమాలు మాత్రమే కాదు. ఇతర భాషల్లో కూడా కీలక పాత్రలు చేస్తూ పాన్-ఇండియా లెవెల్‌లో అద్భుతమైన ప్రెజెన్స్ కొనసాగిస్తున్నారు.