పాక్‌లోని ఉగ్రవాద లాంచ్‌ప్యాడ్ ధ్వంసం: BSF

భారత్, పాక్ సరిహద్దు ప్రాంతంలో మరోసారి కాల్పులు మొదలయ్యాయి. పాకిస్థాన్ కవ్వింపు కాల్పులు చేసింది. అందుకు భారత బలగాలు గట్టి బదులిచ్చాయి. ఈ క్రమంలోనే అఖ్నూర్‌కు ఎదురుగా ఉన్న ఉగ్రవాద లాంచ్‌ప్యాడ్‌ను పూర్తిగా ధ్వంసం చేసినట్లు భద్రతా దళం తెలిపింది. పాకిస్తాన్‌లోని సియాల్‌కోట్ జిల్లాలోని లూని వద్ద ఈ స్థావరం ఉందని BSF ప్రతినిధి ఒకరు తెలిపారు. శుక్రవారం (మే 9) రాత్రి 9 గంటల నుండి జమ్మూ సెక్టార్‌లోని BSF పోస్టులపై పాకిస్తాన్ "ఎటువంటి రెచ్చగొట్టని" కాల్పులు జరిపిన తర్వాత ఇది జరిగింది.

అంతర్జాతీయ సరిహద్దు వెంబడి ఉన్న పాకిస్తాన్ రేంజర్ల పోస్టులు, ఆస్తులకు విస్తృత నష్టం కలిగించిన విధంగా BSF స్పందించిందని ప్రతినిధి తెలిపారు. అఖ్నూర్ ప్రాంతానికి ఎదురుగా ఉన్న సియాల్‌కోట్ జిల్లాలోని లూని వద్ద ఉన్న ఉగ్రవాద లాంచ్‌ప్యాడ్‌ను BSF పూర్తిగా ధ్వంసం చేసింది. భారతదేశ సార్వభౌమత్వాన్ని కాపాడాలనే మా సంకల్పం దృఢంగా ఉందని ప్రతినిధి ఒకరు తెలిపారు.